قفل نقاله ..
ويش السبب غالي تبدل حاله .. وين ما إنكلمه يقفل نقاله .
قفل مـــــــــــا كلم .. قيسا الغالي ف الجفا يتعلم
ولا جاء خبر منا عليا سلم .. حتى إمجامله ما دزلي رساله
يحسابني إنحس بغيبته إنتألم .. ونبكي عليه ودمعتي سياله .
متخصص أصواب وف الغرام إمعلم .. سريب الغلا راهن أطوال حباله .
ونا لأمر للعالي الحي إمسلم .. عظيم قدرته بدل الكون أحواله
صفانا عكر .. ع الشاشه قرا رقمي عليا سكر .
ناسي إوعوده لي ما يذكر .. أفعاله اليوم إمخالفات أقواله
ساهر مع طيفه الليل إنفكر .. وطول النهار وحالتي مي حاله
الله وأعلم ركبنيأامراض السكر .. ونا العقل من غادي قديم ظلاله
ما إيريد إيرد .. ولاسنين عشرتنا الغالي عد .
ننسى غلاه وغيته لابد .. عديم الوفا نجفاه مالي وماله
وعلى رايهم ماحد خير من حد .. العيب والخطا مانا إلهن حماله
وارثين العصر من قبل جد الجد .. واليوم سوقنا عامر بلا دلاله
ماإيرد علينا .. وهو قبل كل ساعه إيكلم فينا .
متبدل عزيز ما عاد شى يبينا .. عايش هني رايق وفاضي باله
ونحنا زاد ما نبو غلاه إنسينا .. بلاه نحملو ما نا عليه زعاله
الجمعة أبريل 30, 2010 5:10 pm
