اللي ما جاش ليبي فاته الجو
جديدنا اليوم مويضيع نشبح فيه باهي ومهم لكل الليبيين كيف تتعرف على ولد بلادك من بين الناس وأنت مسافر الى احدى الدول وبالذات كان دولة أوربية.....أنجوو نخرفوو شويه:
مثلا وأنت في الشارع شفت عركه بين عرب وأجانب والناس متلمده وواحد من الاجانب شتم العرب وقبل ما ايكملها شاف بالوو نازل على راسه
فأعلم أن الشخص يلي ضربه بالبالوو ليبي...
وأنت ماشي خاطرلك بتعكس شوية في الحديقة وجيت وقعمزت شوية وسمعت صوت مطافي على بوليس على بشر وخاشه بعضها مشيت تجري تبي اتقصقص بتعرف شني صاير دخلت راسك في هاذيك الزحمه شن تلقى مجموعة شباب امعلقين خروف في شجرة ودايرين في جنبه نــــــــار.....
ثق وتأكد أنهم شباب ليبيين امزردين..
لو اواقف قدام مقهى وجاك واحد وقالك والنبي سبسي
تأكد ان هذا الشخص ليبي
وكان لقيت شخص ديمه مستعجل ويبى كل شئ بسرعة
تأكد انه ليبى
كان ضرب سيارة واحد في بريطانيا وماجه حد نقده الا واحد
تأكد انه ليبي
لو مشيت لي بلد عربية او اجنبية في فصل الشتاء ولقيت شخص يعوم
تأكد انه ليبي
لو لقيت واحد ماشي وحاط ايديه وراء ضهره
تأكد انه ليبي
لو صارت مشكلة ولقيت شخص شاد بو خوصة
من الاخير ليبي
لو لقيت واحد ماشي بسيارته وطلع في الاحمر
ليبي
واللي ما جاش ليبي فاته الجو
تحيااااااااااااتى
خـــــــــــــــرفـــــش