عن هذي السيرة وذيك السيره
بصِك بابٍ وأحتفظ بسراره
مالي ومال اللي فقلبه غيره
خلّه يوسْوِس ما تهِم أعذاره
كلٍ يرى العالم على تصويره
والحر بفعاله رسَم مقداره
أضحَك على من عايشٍ في حيره
ومْن الحسد قلبه مولِّع ناره
إن شافك بوجهك ظهَر تقديره
وإن غط في ذمّك شغَل تذكاره
في الوقت هذا عقلك وتبصيره
إحذَر عقول أحقادها دوّاره
رابع إذا ترابع حمِيد السيره
إختار..لكن شوف من تختاره
كانه دويني في الوطاء تفكيره
ولا من عزيته نخوته منهاره
خلّك على بعده تراها خيره
لو فيه خير أولى بعزّه داره
لا يغرّك المظهَر من التغتيره
وقت الشدايد يبتلي بفكاره
خبرٍ لفاني ما بغيت آثيره
لكن طفَح كيلي يوم إنّه ثاره
جوّي صفا لكن قِصَد تعكيره
بالعمْد يمشي ما حسب تيّاره
قصّر وأنا ما همّني تقصيره
إن هزّني نظْم الشعر بوتاره