بحر الشباب
بحر الشباب
بحر الشباب
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

بحر الشباب

منتدى شبابى (الحياة العامه, الشعر, النثر, القصه, الانترنت .الرياضه, الاسلام, من هنا وهناك, دردشه, ومواضيع اخرى )
 
الرئيسيةالبوابةأحدث الصورالتسجيلدخول

 

 (غناوة العلم) و(الشتاوة)عبدالكافي محمد الجالي البرعصي

اذهب الى الأسفل 
5 مشترك
كاتب الموضوعرسالة
خرفش
عضو ذهبى
عضو ذهبى
خرفش


عدد المساهمات : 414
السٌّمعَة : -2
تاريخ التسجيل : 19/04/2010
رقم العضويه : 45

(غناوة العلم) و(الشتاوة)عبدالكافي محمد الجالي البرعصي Empty
مُساهمةموضوع: (غناوة العلم) و(الشتاوة)عبدالكافي محمد الجالي البرعصي   (غناوة العلم) و(الشتاوة)عبدالكافي محمد الجالي البرعصي Icon_minitime1الخميس يونيو 17, 2010 5:59 pm

عبدالكافي محمد الجالي البرعصي

مواليد : 1954ف

أحد رواد التراث الشعبي خاصة في مجال (غناوة العلم) و(الشتاوة)

بدأ حياته الفنية في السبعينات،لقب ب(كترابيل) لأنه كان يتخطا كل العوائق والمرتفعات الشعرية التي كانت تعترض سبيله

كان سريع البديهة حاضر الذهن،لاتستعصي عليه القوافي ولا الكلمات ولم يكن يوماً قد أعاد غناوة له أو شتاوة

تعرض عام 2000 لحادث أليم وبقي في حالة غيبوبة لمدة خمس سنوات افتقده أنداده خلالها


فقال سليمان الشريمة:ندعوله ايجي بريان...وايعود كي ماكان بينا


وقال حميد السعيطي:اللي ضناه يرجوا فيه...ابري امرضه ياخالق الدوا


وقال فتحي العبيدي:غايب عالميعاد قريني...كان بكيت احذاك اعفيني


وقال جدي البطوم:سيد الصوب اليوم امطوح...غير نفس يمشي وايروح


وتوفي في عام 2005



بعض الغناوي التي ألقاها عبدالكافي في جلساته:


ياواهب ارزاق العين...سهل أقسام مقطوع الرجا

عزيز فاتك ياكبد...اسملا علي ان ماقسم

حتى لو أعزاز انكروا...نحلف عليه عقلي عندهم

جينا اصداف عزيز...اشردن لابكن لا دنقرن

جميع من مغالي ناس ...قسموله الا أنا ايش دوتي

انقول حلم ولا علم...بعد اسنين لاقيت جارحي

حتى والفراق اقسام...اللوم عالقديمين دايره

جميع مازرعتا صاف...بختي عطيب ياناس في الغلا

اخطي امعاي والقيها عزيز...قيسني صاحب عشم

ياريتنا نهار خطاك...متنا عليك ياصاحب الغلا

العين حالفة للعقل ...انطيعك الا في نسوهم

من لذع ياعزيز النار ...تقبل جميل لو تاوى علي

انخاف ياعزيز عليك...اندير كبد تلوي ايدي ابها

ضماد ياعزيز الجرح...ما اقسى ايديه مو ماوي علي

اقصرت ياعزيز امعاي...رخيتني ونا ليد مادها



بعض شتاوات عبد الكافي:


ديمة يا جوي متعكر...قاعد في لوهام انفكر

ياجياب نبا فرقاهم...ياريتك عديت امعاهم

ننشد في فسار منامي...قال ابكي مافيه قسامي

كان ابكاك ايداوي عقلي...ليل نهار عليه ادقلي

من سطارسطير جروحي...متملل حتى في روحي

ماني معتاز لغياتا...الغالي كي روحه اعجباتا

لا لايم لا عاد قتلنا...من جرح المرهون اوحلنا

ليلة في ليلة في ليلة...دارن ع لولاف طويلة

كي جفني للنوم تلاقا...كنك جبتيلي نقناقه

دمع العين امغير ايهطل...لاجاب غوالي لا بطل

ياالقديم جضيضي منك...نين عويلي قالوا كنك

درت غلا في عمري لول...لا حول لا عمره ايحول

قاعد يا لولاف بلاكم...درنا نا والعين عزاكم

ماعمره بكاني والي...فيت اديار عزيز خوالي

ناسيهم في نومي رايق...لكن وين ايجوا نضايق
غناوي عبدالكافي
1 . علي عزيز كني غبت .. حكار رمشة العين ننشغل
2 . وينما يجي ع الهدب .. الهدب با قديمين تخطروا
3 . علي عزيز شوق وغيظ .. ملايا انلاقوه بيهن
4 . بعد الموت فيه حياة .. اصداف يا غني بالك انجو
5. عزيز قلتله وندمت .. انساني انسيني ومانتسى
6. اللى قاهرك يا عين .. عزيز فيد روحه موغني
7. أيام الدلال اخطرن .. بلا عزيز ما عد نقدروا
8. النار في ملط ارياح .. واللي نظري جابة موتكل
9. إنتي عليك خوذي نوع .. وتخطيرة قيدمينك علي
10. عليك يا قديم أهلبن .. قبالة غباه وين وغبا
11. اللي من بعيد اتبان .. كواني عزيز ابكيفه
12. امرض نين حوت اغلبت .. وبريت وين ما ريت حوزتك
13. الراي يا اصحاب غلاي .. اللي ايجيبكم ما با يجي
14. لوكان يا عزيز ابكاي .. عليكك دين ويش ايخلصه
15. الله الله يا فاضي .. عدّ العمر ما جيت ف أوله
16. نقضيه يا عزيز وراح .. عقاب عمر ويش انديربه
17. العين كل طرو مرهون .. اسودن سماها ادايرت
18. عقاب يا عزيز العمر .. يكمل عليك ماني امدوره
19. شكيت للقدم من النار .. جروني اواجبوني لها
20. نذاره على النهاي .. ادموع ع القدم ظالماتني
21. العقل واخذه مرهون .. رهينة على دين في الغلاه
22. السابق على لوهام .. رفع ايديه يومي لمن عقب
23. خلو الدار الماقي ثاقب .. والسابق يومي للعاقب
24. الراي يا اصحاب غلاي .. اللي ايجيبكم مابا يجي
25. ما با يجي للعقل .. سريباً اينسيني اقدم
26. إلا نا خذيت غرضي .. غناي لأجل فواهق واجدة
27. ماعمرني خطرت .. انغفي نين يا غالي تجي
28. وكاره انجي للدار .. يخطر غياب من فيها علي
29. والثالث عليه اختمت .. اشقيت بغراضين وانتهن
30. لا نلوم لا نلتام .. انهنت ياقديمين وانرتهن
31. نويت قرب ناس اعزاز طرو دواي في شي ما خلق
32. ومن أيام موش أقسام يا خسارة علي ضيعة الغلا
33. نويت قرب ناس اعزاز طروا دواي في شي ما خلق
34. ومن أيام موش أقسام يا خسارة على ضيعة الغلا
35. نويت قرب ناس اعزاز طرو دواي في شئ ماخلق
36. ومن ايام موش اقسام يا خساره على ضيعة الغلاه

غناوي أخرى
مرهون وين جا سسوال ايدا اطلقته ما حوتني
وما فرزت غير قديم كثرن وجوه ساوالاتي علي
ولا تخاف نا يالاك مرهون وين جظيت قالي
يخرب عارف اللى فيه بكيت ع الغلاه يوم دورته
نجيها نهار ولـيــل ألقيتا ونس دار القدم
كذب من يقول الجرح بعد عزيز داويته أبري
أصحاب الغلا فالــدار رخونا قعدنا برضنا
اللي منيتي كانوا نسيتم من أيدي الخالية
جديد جرحنا مازال علي ما بكينا ما بري
مريض كل يوم انغلب خلاني خلا دار غايبي
امفيت ما سريب غلاك يا عزيز ننسوا كل شي
سطير جرحنا مازال ماجيت يا مداوي عالوجع
تستيه في خلا لوهام العمر ما مشا غير هكذي
العين ما لها شي راي أديره ألا غير البكا
يشالن علي لوهام يا بال نبرموا في قيسن
قضيتا بكا فالدار مشا بلاش يانا عمرنا
خليت يا عزيز أو هام أحذانا وفينا يشغلن
العقل واخذا القديم ملاج يا جديدين مالكم
وين أنقول جديد أنجرب تخطر يا القديم أتخرب
كانون المرهون الطافي شقيتا لهلب ف أطرافي
خليت ياعزيز العقل إيموج في خلا ما لا سند
غلاهم وقل القدر ندير فيه بلعاني لهم
لاني مال ولاني منظر شالو لولاف ونا ننظر
أن هانو عزيز أنهون جنين هلا غيرا ماضنو
ياواهب أرزاق العين سهل اقسام مقطوع الرجاء
من طولت رجا العزيز رايحا ذايبا يا كبيدتي
من يوماً مشو لولاف ونحنا الواسعة ضايقتبنا
عليك كي أنريد أنجول وأنتي خاليا يا دارهم
أيامن وفيك عزيز مسمح عليك يا دار برمتي
حتى وعزيز مو هاويك اونسك يا دار سادني
أيلومك اللي ماضاق لذعات الغني مايبردن
نقضية ياعزيز وراك عقاب عمر ويش أنديربا
اللي جرحك ما يداويك الشافي المولى بقدرتا
رما عليك يا مرهون أطلق ايديك دونا وتكي
رمية يا مرهون عليك أتّقى دوني مدّ أيديك
النقص والوفا فالصوب خير عزيز وختار لولا
بين غلاه وعيبا فينا خيرناه اختار الشينا
حتى لو تميت طبيب مانداوي اجروحي كلهن
لو تميت طبيب أبروحي ماعد تداون يا جروحي
العقل مالكا القديم مصاغ يا جديدين مالكم
مستاسع ملاج العقل ايشيل قديمين والجدد
كل جديد له شرهات عليك بالمهل يا لولي
مشكا العقل في مولاه الرزق مو علي دين العرب
أهزيتي عليه كلاك عقاب طشاش من نار لولي
الدنو يا عزيز اقسام بكاي عل غلا مو منخطي
حلامة تجيب عزيز أتريد نوم والنوم وينهو

جانب رده على كبار المغنيين والشعراء:

في أغنية لأم كلثوم:كل نار تصبح رماد مهما تقيد الا نار الشوق يوم عن يوم بتزيد


رد عبدالكافي على ذلك قائلاً:تصبح رماد كل نار...ألا نار مالغالي علي



حسن الأسمر:كتاب حياتي ياعين ..ماشفت زيو كتاب ..الفرح في سطرين


رد عبدالكافي:كتاب عمرنا ياعين...سطرين فرح والباقي عزا




الشاعر خالد الرعيدي:خطم وليف الماضي..تخطيمة الروايا عالغدير الفاضي..غياض زادني


عبدالكافي:تخطيمة الزاهد ليش...مريت ياقديمي فالغلا



الشاعر خالد الرعيدي:عرق الشوق ذبل نحسابه..فك اجدابه ..رونق بمهاياة اصحابه


عبدالكافي:عروق الغلا ذابلات...طرواهن ندابيه ورقن



الشاعر عمران بوسيف:عن واجد ياما سهيتا ..غير القيتا عقلي كم دار امبكيتا


عبدالكافي:العقل اللي مسهينه...ديار واجداً باكي بهن




[justify](غناوة العلم) و(الشتاوة)عبدالكافي محمد الجالي البرعصي Samp3bb0857b492b7e58
الرجوع الى أعلى الصفحة اذهب الى الأسفل
ليمونة
عضو ذهبى
عضو ذهبى
ليمونة


عدد المساهمات : 924
السٌّمعَة : 8
تاريخ التسجيل : 22/04/2010
العمر : 36
رقم العضويه : 77

(غناوة العلم) و(الشتاوة)عبدالكافي محمد الجالي البرعصي Empty
مُساهمةموضوع: رد: (غناوة العلم) و(الشتاوة)عبدالكافي محمد الجالي البرعصي   (غناوة العلم) و(الشتاوة)عبدالكافي محمد الجالي البرعصي Icon_minitime1الجمعة يونيو 18, 2010 7:37 am

مشكور ياخرفش اهو بديت تتحرك نبيك تساعدني في فسم الترات الليبي لاني بنغيب شوي عن المنتدى
الرجوع الى أعلى الصفحة اذهب الى الأسفل
خرفش
عضو ذهبى
عضو ذهبى
خرفش


عدد المساهمات : 414
السٌّمعَة : -2
تاريخ التسجيل : 19/04/2010
رقم العضويه : 45

(غناوة العلم) و(الشتاوة)عبدالكافي محمد الجالي البرعصي Empty
مُساهمةموضوع: رد: (غناوة العلم) و(الشتاوة)عبدالكافي محمد الجالي البرعصي   (غناوة العلم) و(الشتاوة)عبدالكافي محمد الجالي البرعصي Icon_minitime1الجمعة يونيو 18, 2010 5:29 pm

انشاء الله ليمونه
وانشاء الله ماطول الغيبا
الرجوع الى أعلى الصفحة اذهب الى الأسفل
نرجوسة
نائب المدير
نائب المدير
نرجوسة


عدد المساهمات : 238
السٌّمعَة : 3
تاريخ التسجيل : 26/01/2010
رقم العضويه : 1

(غناوة العلم) و(الشتاوة)عبدالكافي محمد الجالي البرعصي Empty
مُساهمةموضوع: رد: (غناوة العلم) و(الشتاوة)عبدالكافي محمد الجالي البرعصي   (غناوة العلم) و(الشتاوة)عبدالكافي محمد الجالي البرعصي Icon_minitime1السبت يونيو 19, 2010 6:55 am

ننشد في فسار منامي...قال ابكي مافيه قسامي Crying or Very sad

موضوع حلو خرفش ومشالله عليك بصراحة حتى انت شاعر ومثقف من الناحية اهيا

كأنك امقعمز امعاه الشاعر انت جايب كلامه كله وكان ماتطلع انت الشاعر عبد الكافي البرعصي كله باهي
lol!
الرجوع الى أعلى الصفحة اذهب الى الأسفل
هنو
مساعد المشرف العام
هنو


عدد المساهمات : 540
السٌّمعَة : 4
تاريخ التسجيل : 21/02/2010
العمر : 36
رقم العضويه : 13

(غناوة العلم) و(الشتاوة)عبدالكافي محمد الجالي البرعصي Empty
مُساهمةموضوع: رد: (غناوة العلم) و(الشتاوة)عبدالكافي محمد الجالي البرعصي   (غناوة العلم) و(الشتاوة)عبدالكافي محمد الجالي البرعصي Icon_minitime1السبت يونيو 19, 2010 4:23 pm

تستاهل تحيه مشكوووووووور
الرجوع الى أعلى الصفحة اذهب الى الأسفل
خرفش
عضو ذهبى
عضو ذهبى
خرفش


عدد المساهمات : 414
السٌّمعَة : -2
تاريخ التسجيل : 19/04/2010
رقم العضويه : 45

(غناوة العلم) و(الشتاوة)عبدالكافي محمد الجالي البرعصي Empty
مُساهمةموضوع: رد: (غناوة العلم) و(الشتاوة)عبدالكافي محمد الجالي البرعصي   (غناوة العلم) و(الشتاوة)عبدالكافي محمد الجالي البرعصي Icon_minitime1السبت يونيو 19, 2010 5:17 pm

مشكوره ترجوسه يمكن مافي شي بعيد
هنو مشكوره يا دوق
الرجوع الى أعلى الصفحة اذهب الى الأسفل
????
زائر




(غناوة العلم) و(الشتاوة)عبدالكافي محمد الجالي البرعصي Empty
مُساهمةموضوع: رد: (غناوة العلم) و(الشتاوة)عبدالكافي محمد الجالي البرعصي   (غناوة العلم) و(الشتاوة)عبدالكافي محمد الجالي البرعصي Icon_minitime1السبت يونيو 19, 2010 7:55 pm

مشكوور خرفس ويعطيك العاافيه
الرجوع الى أعلى الصفحة اذهب الى الأسفل
خرفش
عضو ذهبى
عضو ذهبى
خرفش


عدد المساهمات : 414
السٌّمعَة : -2
تاريخ التسجيل : 19/04/2010
رقم العضويه : 45

(غناوة العلم) و(الشتاوة)عبدالكافي محمد الجالي البرعصي Empty
مُساهمةموضوع: رد: (غناوة العلم) و(الشتاوة)عبدالكافي محمد الجالي البرعصي   (غناوة العلم) و(الشتاوة)عبدالكافي محمد الجالي البرعصي Icon_minitime1السبت يونيو 19, 2010 8:12 pm

i hope so
مشكوره علي مرورك
الرجوع الى أعلى الصفحة اذهب الى الأسفل
صلاح الليبي
عضو جديد
عضو جديد



عدد المساهمات : 3
السٌّمعَة : 0
تاريخ التسجيل : 03/12/2011

(غناوة العلم) و(الشتاوة)عبدالكافي محمد الجالي البرعصي Empty
مُساهمةموضوع: رد: (غناوة العلم) و(الشتاوة)عبدالكافي محمد الجالي البرعصي   (غناوة العلم) و(الشتاوة)عبدالكافي محمد الجالي البرعصي Icon_minitime1السبت ديسمبر 03, 2011 7:03 pm

شكرا لكم علي الجهود الرائعة
الرجوع الى أعلى الصفحة اذهب الى الأسفل
صلاح الليبي
عضو جديد
عضو جديد



عدد المساهمات : 3
السٌّمعَة : 0
تاريخ التسجيل : 03/12/2011

(غناوة العلم) و(الشتاوة)عبدالكافي محمد الجالي البرعصي Empty
مُساهمةموضوع: رد: (غناوة العلم) و(الشتاوة)عبدالكافي محمد الجالي البرعصي   (غناوة العلم) و(الشتاوة)عبدالكافي محمد الجالي البرعصي Icon_minitime1الأحد ديسمبر 04, 2011 7:26 am

مشكورين ع المشاركات والجهود الطيبه
الرجوع الى أعلى الصفحة اذهب الى الأسفل
 
(غناوة العلم) و(الشتاوة)عبدالكافي محمد الجالي البرعصي
الرجوع الى أعلى الصفحة 
صفحة 1 من اصل 1
 مواضيع مماثلة
-
» كل واحد يدخل اقول غناوة علم اي غناوة تعجبك
» كامي نار"للشاعر مراد البرعصي, مازلت كامي نار .. من يوم ما عزيز أمعاي شال أنظار""انزازيبها ما
» فوائد الصلاة على سيدنا محمد

صلاحيات هذا المنتدى:لاتستطيع الرد على المواضيع في هذا المنتدى
بحر الشباب :: منتدى التراث الليبي :: شتاوات وغناوى علم-
انتقل الى: