قولولها هللى خدتها سرت

قولولها هللى خدتها سرت
.


مازلتْ صــــــــــــــــــــاين حُبها فى قلبِى ..... مازلت صــــــــــــــــــاين حبها مازلتْ
.

مازلت قــــــــــــــــــادر فى الكنين انْخَبِّى ..... قولولها هللى خـــــــــــــــــدتها سرتْ
.

ومازلت قــــــــــــــــــادر بِالْعُزُومْ انْصبِّى ..... مهْما غدر بِيا الزمــــــــــــــان وحِرِتْ
.

ومازلت صـــــــــــــابر عالعذاب فـ دربى ..... انداوى جروحى مـ الزمـــــــان قدرتْ
.

ومازلت نِبِّـــــــــــــــــــــيها دواىْ وطبِّى ..... فـ وجودها كل الــــــــــــــدواء غيرتْ
.

ومازلت نبيها اتكـــــــــــــــــون فـ جنْبِى ..... وتعرف إنِّى مازلتْ مـــــــــــا انقهرتْ
.

ومازلت نبيها اتــــــــــــــــــــــزيد اتْعبِّى ..... قلبى غرام . يــــــــا ما اسنين صبرتْ
.

ومازلت نذكر كـــــــــــــــــــــــلامك حبِّى ..... بطعمة كــــــــلامك . فى الغرام سكرتْ
.

ومازلت مذَّكرْ غـــــــــــــــــلاها فـ قُربى ..... ديما سعـــــــــــــــاده . وين ما اذكرتْ
.

ومازلت نطلب كــــــــــــــــان هيا اتْلبِّى ..... قدِّ يشْ كلمه فى الغــــــــــــلا صطِّرتْ
.

ومازلت مذَّكِّر ايـــــــــــــــــــــام اتْصُبِّى ..... كِيسَان من كاس الغـــــــــــرام شربتْ
.

ومازلت فــــــــــــــاكر كيف كنْتِى اتْحِبِّى ..... إيجِيكِى كـــــــــــلامْ . وانْقُولكْ قررتْ
.

وما زلت نــــــــــــــــــا مازلت ياما نِبِّى ..... انْجدد غــــــــــــــــلايا وين ما فكرتْ
.

ومازلت طالب فى الحيـــــــــاه من ربى ..... يحرق كِنِينِى كــــــــــــــان سيه درتْ
.