بحر الشباب

بحر الشباب

منتدى شبابى (الحياة العامه, الشعر, النثر, القصه, الانترنت .الرياضه, الاسلام, من هنا وهناك, دردشه, ومواضيع اخرى )
 
الرئيسيةالبوابةاليوميةس .و .جبحـثالأعضاءالمجموعاتالتسجيلدخول

شاطر | 
 

 ناضت وهي توميله . العين بالغطا وتقول فايز جيله . طار نومها

اذهب الى الأسفل 
كاتب الموضوعرسالة
خرفش
عضو ذهبى
عضو ذهبى
avatar

عدد المساهمات : 414
السٌّمعَة : -2
تاريخ التسجيل : 19/04/2010
رقم العضويه : 45

مُساهمةموضوع: ناضت وهي توميله . العين بالغطا وتقول فايز جيله . طار نومها   الثلاثاء أغسطس 24, 2010 11:45 pm

ناضت وهي بغطاها . تومي بعد طيف الغوالي جاها .اصداف وين ما دوبه النوم غفاها . ومازال بين النوم والتعسيله .وقالت بعد زاحن غيوم سماها . وانفكن طلامس حلمها تاويله .يانوم عندي عين طال رجاها . وانت عارفه طول الرجا تبيله .ويانوم عندي عين ليش معاها . ردود زينها بعطيب توفي كيله.يانوم عندي عين كابر داها . وجياب الدواء غايب غياب الحيله.ويانوم عن...دي عين من غالاها . قدام العرب تقدر غلاه اتشيله .ويانوم عندي عين زول امناها . لوكان في اخر الدنيا تبي تمشيله.ويانوم ما كفت العين بكاها . الاوين مادارت عزيز عزيله .
ناضت وهي توميله . العين بالغطا وتقول فايز جيله . طار نومها
ناضت وهيه تشالي . العين بالغطا وتقول حيه الغالي .عليها خطر ساعة الليل التالي . وهي الليل ما تملك معاه الحيله .منين المليسه حاشها الزوالي . وخيط المساك ايبان دار فتيله .لاهو وقت حلم ولاهو وقت تسالي . امغير فكر لبنادم اوقات ايشيله .ويقولوا اللي في عقلك اتجي طوالي . تخرب وجابك تقلبه تعديله .ونا العقل ساكن فيه غالي مالي . عيوني وغالي وغاليه امفاعيله .قدام والدي وعمي وزاد خوالي . غلطت فيه وين (ازناد) بناديله .وقتله ونا غايض وصوتي عالي . شوف من اللي عالباب باك زويله.نلقاني من الصوب هذا حالي. واللي ماهو قايس صوب مانشكيله.اللي وين ما نفتح حداه سوالي. لاتقول هوه حداي لانحكيله.كيف من مشى مجرد في عرس ايطالي. ولا رسم في تركيا طبيله.خطرها الا غيت عيون الفالي . اللي العين مارامت ازويل بديله.بيض المصابي بونياب مجالي. غلاه سم في دمي ادافع سيله.غلاه نقش في ليرة ولي عصمالي. غلاه نحت فرعوني سطا ساطيله.غلاه كل مانكره ومايحلالي. وكل ماشبحت وكل ماصاغيله
ناضت وهي توميله . العين بالغطا وتقول فايز جيله . طار نومها
ناضت تقول امنايا . العين وين ما طيف العزاز تهايا .رقيقة اعزوم دموعها جرايا . على وسع ماقيها الدمع تهيله .ورا بنت تضاوا تقول مرايا . عناق ريم في فج البساط هميله .تخلي صناديق العقول شضايا . اتخف روز من كانن اخطاه ثقيله .
ناضت وهي توميله . العين بالغطا وتقول فايز جيله . طار نومها
ناضت اتقول الروقه . العين وينها والعقل خارب سوقه.الدايم الله فيها انحازت بوقه . وزاد الطرب غرب مساق رحيله.من يوم ما عليها بان سمح التوقه . وهي العين مازالت اتنوح عليله.الغالي اللي مابت لهايب شوقه . تطفا الا ماتزيد كان شعيله.ناري على كبدي اللي محروقه . اللي هاسها صوب العزيز بويله.بوعين لابانت اتدير ازروقه . وتخضار واتلاصف كيف لون النيله.اسهام في جواجيا اتجي مرشوقه . وين ما تواطي هذبها وتشيله.وقصه لياماحت وجت مفروقه . تسافا عليها دايره تضليله.تطاير يمين يسار سوقه سوقه . جريد ناقلاته ريح شيله بيله.تضامر لياطلت تقول حموقه . تجوشن امشوشها الخيل صهيله.تسارق ان جت تهمت اتقول بروقه . عضاها ان بانن ساعة التبديله.تعوقه على طول الزمان تعوقه . الناضر اللي بميامها ترعيله.تيبس دماه الساريه في عروقه . ويوقف النبض اتصيرله تعطيله.ويجف ريق فمه وزاد ريق حلوقه . ويحوس ويودر دروب سبيله.خطرها الا توصيف زول الطوقه . نسيز خاطري منها كثر تخبيله.جمالها رقي ما زين يرقى فوقه . فرقة غزال الريم في تمثيلهعيون من على فج الخلاء ورقوقه . جاسر الدوج ايديرله تجفيله.
ناضت وهي توميله . العين بالغطا وتقول فايز جيله . طار نومها

الشاعر: فاروق ازناد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ليمونة
عضو ذهبى
عضو ذهبى
avatar

عدد المساهمات : 924
السٌّمعَة : 8
تاريخ التسجيل : 22/04/2010
العمر : 31
رقم العضويه : 77

مُساهمةموضوع: رد: ناضت وهي توميله . العين بالغطا وتقول فايز جيله . طار نومها   الخميس أغسطس 26, 2010 3:36 pm

خرفش تسلم ايديك وفقت في الاختيار متميز كالعادة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ابن القرضابية
عضو فعال
عضو فعال
avatar

عدد المساهمات : 117
السٌّمعَة : 0
تاريخ التسجيل : 07/08/2010

مُساهمةموضوع: رد: ناضت وهي توميله . العين بالغطا وتقول فايز جيله . طار نومها   السبت أغسطس 28, 2010 4:33 pm

ماشاء الله عليك ياخرفش
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
خرفش
عضو ذهبى
عضو ذهبى
avatar

عدد المساهمات : 414
السٌّمعَة : -2
تاريخ التسجيل : 19/04/2010
رقم العضويه : 45

مُساهمةموضوع: رد: ناضت وهي توميله . العين بالغطا وتقول فايز جيله . طار نومها   السبت أغسطس 28, 2010 8:02 pm

ليمونة المميز مرورك ياحناطه
ابن القرضابية مشكور علي مرورك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ناضت وهي توميله . العين بالغطا وتقول فايز جيله . طار نومها
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
بحر الشباب :: منتدى التراث الليبي :: قسم الشعر الشعبى-
انتقل الى: