حرب الفيس بوك

موضوع: حرب الفيس بوك الجمعة أغسطس 13, 2010 5:16 pm

..
السلام عليكم ورحمة الله وبركاته ..

تقبل الله صيامكم وقيامكم..

بصراحه كنت اردي ان اطرح هذا الموضوع للمناقشه قبل هذا الوقت ولكني تاخرت فيه لاسباب خاصه

لكن .. (ان تصل متاخرآ افضل من ألا تصل )

وبصراحه اكبر لاتوجد لدي اي صياغه جيده للموضوع ..

ولكن سوف ابدأ مباشرة

اولا يقال عنا مسلمون .. وان كنت ارى ان اغلب المسلمون هذي الايام ينتمون للاسلام بالاسم

فقط ..

ايام الرسول عليه الصلاة والسلام كان المسلمون يهزمون الكفار وكان الله سبحانه وتعالى مع

نبيه عليه الصلاة والسلام كان يواجههم بالحرب . فمنهم من يستسلم له ومنهم من ياسر ومنهم من

يفر من ارض المعركه كالجبان ..

انا هنا قمت بعمل مقارنه بسيطه بيننا وبينهم ..

فللاسف في وقتنا الحالي تشن علينا حروب تهاجم الاسلام والمسلمين .. حروب ولكن حروب تتوافق

مع عصرنآ الحديث .!

حروب بسبل اخرى . حروب عبر وسائل الصحافه وحروب عبر التكنلوجيا الحديثه وعبر مواقع شهيره

على الانترنت ..

ولكننا تعاملنا معها بجبن وخوف وهرب .. !

اذا كنت على حق فاعلم ان الله سينصرك لماذا الهروب !

عندما كان هناك صحفي كلب اكرمكم الله يسب الرسول صلى الله عليه وسلم .. هل تعلمون كيف هرب

المسلمون من المعركه بكل بساطه بمقاطعة المنتجات الدنماركيه !!

ولم نرد علييهم بحرب وصوره لما يعبدون هم .. ونشر حقيقتهم عبر الصحف ! او بتصوير حقيقة

الرسول صلى الله عليه وسلم بالافعال ..!وبصحف اجنبيه .لاادري كيف ولكن بالمحاوله نستطيع

النجاح

صدقوني كنا سوف ننتصر عليهم ..

وحدثت حرب ثانيه عبر الفيس بوك .. ولكن ماهي ردة فعل المسلمين هربو من الفيس بوك واوقفو

حساباتهم .!

الفيس بوك موقع كبير ولن يضره اذا اوقفنا مشاركتنا فيه !

ولكن للاسف لم نستغل هذه الحرب لصالحنا ..

ونعرّف اعضاء الفيس بوك من هو رسول الله محمد صلى الله عليه وسلم !

وماهي افعاله و اخلاقه وكيف كان هذا الرجل عظيم !

اذا اردنا ان نصل لابد لنا من الايمان باننا سوف ننتصر وان الله سبحانه سوف يعدل الامور

لصالحنا ..!

لكن البعض يستخدم الفيس بوك لاغراض شخصية ولكن ينسى ان هذا الموقع

موقع ينتشر به اي معلومه تضعها بسرعة الصاروخ . !

لذلك اتمنى يكون الاستخدام من اجل نشر ماهو مفيد..

لانه موقع يفتقر للخصوصيه . هذا فقط تنبيه !

ملاحظه انا هنا لا ادعو لهذا الموقع ولكن .. ادعو بان نرد عليهم فقط

وارى ان نحاربهم بمحاولة تصحيح صورتنا امامهم

وصدقوني اننا بحرب ولكن حرب تتماشى مع هذا العصر .

اذآ نواجهم ونحاربهم بأسلحتم الالكترونيه ..

ولا نجعل لهم مجال بان ينعتون الاسلام بدين الارهاب َ!

انتم ماهو رايكم بالموضوع !

هل نحن بالفعل جبناء .. هل تصرفاتنا بالمقاطعه ووالهروب من لامواقع هى الحل الامثل

هل يقتصر الجهاد على السيف والرمح .. ام يمكننا الجهاد حتى عبر الانترنت

الم نكتفى من الهروب

وهل مقاطعة الفيس بوك امر صحيح ؟!وهى الرد المناسب ؟؟

اتمنى ان تشاركونى الراى

تحياتى

السلام عليكم
صحيت يا ادمن على الموضوع الحلو والطرح المميز
تصدق حتى اني لاحظته انه الفيس بوك مافيشي خصوصيه نهائي
وتصدق طارت منه النيه اكتر بعد والله وصلوني مقاطع فيدو يهزو البدن على الرسول الكريم عليه الصلاة والسلام والله في الاول مابنكملش لكن كملتهن وشوفة قداش الغرب مستهزئين بالاسلام والمسلمين والعرب لا حياة لمن تنادي ولاحول ولاقوة الا بالله والله لو فيكم حد شاف المقاطع هدومه والله يقشعر بدنك وتتحرك فيك مشاعر وتبي تتكلم بس مافيه حد يسمع لانه بصراحة مافيش اسلام زي زمان الا ماندر المسلمين مسلمين بالسان بس اما الفعل غير
وسامحوني على الاطاله ولو بنكتب مابتم الكتيبة

كلامك سليم ليمونه لكن ماجاوبتيش على التساءلات هل

تكفى مشاعرنا بالغضب ام الافضل الانسحاب وترك

الساحه لهم ؟؟؟؟

الغضب شن بدير ياايمن شن بنديرو الله غالب في الوقت هدا الانسحاب وبس خبرني شن فيدينا اكتر من الانسحاب اجبرونا عليه هانا عيطنا هتفنا غضبنا تغير من الامر شي برايك انت ماتغير شي

الانسحاب هوا الحل للضعفاء ليمونه

الضجه والحرب اللى شنوها على الاسلام فى الغالب

لمصلحتنا.انى نتفكر فى كلام للمخرج مصطفى العقاد

بعد انتاج فيلم الرساله والمعارضه اللى صارت

والمضاهرات والعنف اللى صار فى امريكا قال

العقاد وهوا يضحك هذى افضل دعايه للفيلم.

ومن مده دخل زوز شباب امريكيين للاسلام تخيلى شن

كان السبب .السبب كان بوش ...لانهم وهما يتفرجو

فى كلمه ليه فهمو كل الكلام اللى قاله الا كلمة

اسلام وقعدو يبحثو على معنى الكلمه لين فهمو

معناها وفهمو رسالتها واسلمو

يعنى حتى حنى نقدرو نديو حاجات افضل من الانسحاب

نقدرو نوضحو صورة الاسلام الحقيقيه كل واحد حسب

جهده وابسطها عالفيس

باهي اني وانت وغيرنا نديروها الحمله هدي بس فيه مسلمين مشوهين صورة الاسلام باهي معاك الانسحاب للضعفاء بس لكن والله هما المسلمين بروحهم يجبروك على الانسحاب انت تبدى تقول في كلام عن الاسلام ومسلم كيفك كيف يشين في صورته بالفعل والقول والله من مدة تعرفت على واحد مالطي قسما بالله لين هزيت على روحي قال اخني الي مش مسلمين ترنا اكتر منكم على تشويه صورة الرسول محمد الي ماناش مسلمين وانت مظاهرات وهتافات وعياط ومسلسلات اسلاميه وتاريخية تحكو في واقع رسولكم بس ماتنفدوش في المفروض انكم تتبعوه اسلامكم غير همي شوف كلمة واحد مسيحي هدي احني المسيح نفهمو في الاسلام شن يقول خير منكم يالمسلمين وقريب احني الي نطبقو فيه هدا شن بترد عليه حتى بعد حاولت نفهمه يقولي انتي مؤمنه بالله وبمحمد وتعرفيه كويس بس غيرك مؤمنين بيه شكلا وظاهرا وبس واغلب العرب والمسلمين ماينفدوش في تعاليم الاسلام وتصدق المسلمين والعرب هما الي ساهمو في الشي هدا من استهزائهم بالاسلام ان كان هله مانصروه الغرب بينصروه

وعليكم السلام ورحمة الله

هل نحن بالفعل جبناء .. هل تصرفاتنا بالمقاطعه ووالهروب من لامواقع هى الحل الامثل

وهل مقاطعة الفيس بوك امر صحيح ؟!وهى الرد المناسب ؟؟

راي ان حتي المقاطعات تنيهم انا مش راضيين علي الي صار هده غير الخسائر لانا نستهلكوا

في منتجاتهم اكتر منهم

انحب انقولك ياادمن شن الي في يدك ومادرتاش توا عندك صوت يوصل لصحيفه اجنبيه

وماوصلته او حتي حاولت مافيش مافيش مافيش للاسف هده الحقيقه ماقدرنا نوصل لها السبب

انقاطعوا وحتي المسلسلات بالعكس حاجه باهيه وتهدي الي ربي كاتبله الهدايه

شوف معاي المسلمين مقاطعين منتجاتنا ليش ؟؟؟!!!! بسبب الصور وفيديو لرسولهم ليش

الصور ماعبرت عن حقيقة رسولهم !!!مالا شن هيا الحقيقه او الصوت الي يبو ايوصلوه من

المقاطعه ويشوفوا في التلفزيون ويعرفوا الحقيقه هده طبعا زي ماقت الي ربي كاتبله الهدايه

هل يقتصر الجهاد على السيف والرمح .. ام يمكننا الجهاد حتى عبر الانترنت

احيانا القلم يدير اشياء اكتر وخاصتا في هالعصر الي عايشينه

اي شيءنقدروا انديروه هوا مجرد لفت الانتباه فقط لاغير