القديم والجديد

1=إيش أنديرلكم يالقدم * بكيت عليكم دمع ودم **

2‏<‏ أقدم لا قالوا هاك دواك * ولا قالولي موت بداك **

3‏<‏ أمغير تعالوا يالقدم * جميع اللي في الجوف ألكم **

4‏<‏ أنهديتي يانار قديم * أولعتي والطفاي غشيم **

5‏<‏ ألهم سلمت الروح أمغير* أقدم مادارو فيها خير **

6‏<‏ أنكمل في ليلي تخميم * أحذا دار الغالي القديم **

7‏<‏ سفينا ع النيران رديم * جديد إينسينا القديم **

8‏<‏ جرب يالقديم اللوعه * درت جديد أنريدك توعه **

9‏<‏ جروح غلاكم يالقدم * اللي مايسطر سيل دم **

11‏<‏ قديم أمخلينا ع الموت * أتقول أنراجو في تابوت **

12‏<‏ علي من تخطر يالقدم * غلانا المطرطش يلتم **

13‏<‏ يالقديم عليها نادم * درتك بين الناس أبنادم **

14‏<‏ يالقديم علي أخطورك * يشغل في وماني شورك **

15‏<‏ وين أنقوك أجروحي لمن * تخطر يالقديم إيدمن **

16‏<‏ تعال لنارك يالقديم * تحايت من يالا الرديم **

17‏<‏ أقدم ماخلولي لاشي * أمفيت غلاء متمكن في **

18‏<‏ أقدم خلوني يامطراي * أنعرض للماشي والجاي **

19‏<‏ أنعيط يالقديم وراك * أيش اللي غير في أرياك **

20‏<‏ ميت موت خلاص دفنتا * صوب قديمين أتعيش أنتا **

21‏<‏ يالقديم أشقي بحوالك * درنا صوب جديد بدالك**

22‏<‏ معاطن عقلي يالقديم * ملايا والسقاي غشيم **

23‏<‏ جميع أوقاتي يالقدم * عليكم وأمعاكم وألكم **

24‏<‏ دونك يالجديد أرحمني * ألا لول راهو ظالمني

مشكور علي مجهوداتك الرائعه

جميل خرفش
يعطيك الصحه والله

شكرا علي مروركم الحلو

13‏<‏ يالقديم عليها نادم * درتك بين الناس أبنادم **
حلوات بكل خرفش ثانكس

نرجوسة
الحلي مرورك يا دوق

سراج ليبي
الرويع مرورك

كل ما نقول جديد انجرب ....تحطر يالقديم تخرب
مشكووووووووووووووووور خرفوش

كان اتفارق كتر خيرك........ياالقديم القينا غيرك
شكرا ليمونه يا حناطه

الي وجعتني يا القديم ..........زجفيت وقاصر ع التسليم

يالقديم نويت افراقي.......لكن ياداير يالاقي

يا القديم الله لا يردك .....شوق وجايع جني منك

يا لقديم انسيتا صوبك واجد.....واجدرقعنا في دروبك

ليمونه وخرفش مشالله عليكم عيني ماضركم

مانيش قدكم بيش نكتب معاكم بس حنتطفل ونقرا ماتكتبوا

موفقين

حتى التطفل باهي ياهنو
مشكوره على مرورك

قديم الغـــــــــــلا وين مــا عليه خذيناخــــــــذاه غيرنا في وخذته ارتزينا



يالعين توبي عالقديم وخلك امعاي واتبعيني عالجديد اندلك




مشكور خرفش مشالله عليك

يالقديم اخساره فيك...........قولة في الماضي حبيت

يالقديم الكم مردوده.....بيعتنا في السوق السوده

i hope so انستي ياعسل
هنوكيف ما قات ليمونه
شكرا علي المرور

يا القديم حكمت عليك.....ماتنفع كلمة يــــــــــــاريت

يالقديم عليك خذينا @ مسع فالراي تخاطينا

سابقيالقديم عليهن @ ديما لنظار امبكيهن


شور جديد رحيلي عدا@ والمشيا ماكيف الردا


يالقديم علينا غالي @ خاطيك مادرنا والي

ماني لول تركت القديم.....وعا الجديد انعول

طايح في مرهون اسطاوي ،،،،،، يجرح يوم ويوم ايداوي

إمرايف ويريد غواليه...الخاطر حايس واحل فيه
______________________________________________