انحس فـ مواجع ؟؟؟؟؟

انحس فـ مواجع فى الكنين خدتنى ..... تحت التـــــــــراب فى عيشتى دفنتنى .

تحت التـــــــــــراب تم الرديم عليا ..... من ناس ليا يا عــــــــــــرب وجعتنى .

من ناس ما درتش معـــــــاهم سيا ...... امغير المحبه , زدتها قتــــــــــــلتنى .

وديتها بالــــــــــــــــــــود والحنيا ...... وهيا نستها ,فى الكنين كـــــــــوتنى .

ليش الغلا باعت معــــــــــاه الغيا ...... وبعد العذاب بهجـــــــــــــرها كافتنى .

حبيتها , نا شلتها بيــــــــــــــديا ...... وهيا مرار الكـــــــــاس ,ووه سقتنى .

قتلت غـــــــــلايا . دمرت ماضيا ...... وفى سجن حزنى. زيـــــدها حبستنى .

نستاهل جميــــــع الهم منها هيا ..... وعطتنى هديـــــــه .فى الكفن حطتنى .

وهدا عقاب الحب يا غــــــــاليا ....... حبيتها , ويا ريت مــــــــــــا حبتنى .







[وحدهم المشرفون لديهم صلاحيات معاينة هذه الصورة]

لا تشيل هم الوقت لا تحكيبه ..خلها علي الله عالم غيبه
لا تشيل هم السيه .. ولا تقول دنيتي ضاقت بيه ..
بعد تنعقد تنحل طيه طيه .. ويجي الفرج في وقت ما تدريبه


مشكووور خرفش .....تقبل مروري

i hope so
مشكوره علي المرورك





[وحدهم المشرفون لديهم صلاحيات معاينة هذه الصورة]

ماعنديش مانقول الا اني نشكرك

قريتها اكترمن مره كلماتها رائعه ومؤتره

وفي عدوينك انشاءلله

شكرا ياهنو كله من دويقق وانتي اروع بي مرورك


[وحدهم المشرفون لديهم صلاحيات معاينة هذه الصورة]