1- إذا كان عادي يعني لا ياكل بسرعة ولا ببطء ومش ديما شبعان ولا مفجوع على طول.. يعنى شخص معتدل في عواطفه وقراراته وهذا يعنى آخر الرجال المحترمين..
كلبشي فيه .. واستعجلي الزفاف والحياة حتكون عسل
2- إذا كان يحب الأكل زي عيونه.. وأول ما يخش من الباب وقبل ما
يقولك كيف الحال يقولك ريحة الصالصه ياروحي إنتم مدايرين ملوخيه
بالدجاج؟؟.. تموتى انت .. ويقعد ياكل ويعبى لين يغمى عليه..
يعنى إنسان طفس.. وهوائي..
وطايش.. وردى بالك تتجوزيه أحسن ياكلك وانتي راقده ....؟؟
3- أما إذا كان مش مهتم بالمرة.. لايقولك حلو ولا ما مش حلو ولا
مالح ولا طايب ولا مازال ني ولا يعلق أي تعليق.. وعمره مايقولك جعان
أو شبعان
يعنى إنسان ماليشى لازمه.. وزي قلته.. وننصحك بدل ما تتجوزيه إتبنيه..
وحاتعيشي إنتي الراجل والمرا فى وقت واحد وديرى فى حسابك حتركبي وتدلدلي
رجلييك.
4- أما لو كان ياكل زى مايكون حد يجري ورااااه ووقت الأكل
تجيله حالة صرع معوي.. وينوض من الماكله قبل أي حد تاني.
يعنى متسرع .. ومتهور في اتخاذ قراراته وممكن بعد الجواااز يكتشف إنك
لست ملهمته..ولست فتاة أحلامه ولستىِ حلمه.. ويمكن يطلقك بالتلاتة..
إخلعي إنت بدري أحسن لكرامتك.
5- أما إذا كان ياكل على مهله.. ويمزمز.. فى كل صنف بروحه.. ويسأل
عن كل صنف شن مقاديره وكيف حدايرينه ويقعد يستطعم فى الأكل من العصر
للمغرب .
ردى بالك منه يا اختي هذا النوع اللي له مخ.. ويوزن الأمور بطريقه تفقع
المرارة.. ولو في يوم طلبتي منه يقولك كلمة حلوة حايقولك مش داير
حسابي ويقعد يفكر 3 سنين وبعدين يقول لك نحبك ويقعد يشوف وقعها عليكي
كيف؟؟
نظااااام شلل رعاش
بدري.... بدري....
إخلعي يابنتى...
6- أما إذا كان يقعد يقطع ف الأكل زي مايكون ف خناقة ويخبط ف الطبق
من الغل.. ويقطع طرف اللحمة زي ما يكون بيدبحها.. ويتفتف.. ويتكلم..
طول ماهو بياكل لين يغرق وجهك أكل..
هدا شخص عصبي جدًاااا.. ومع أول مشكلله حايشوطك بالكرسي ف راسك أو
بموس ف عينك يديرلك عاهة مستديمة وبعدين.. يهدى.. ويقول لك:
"سوووري يا روحي هي جت فيكي.. ماعاليش"
قوليلى جمله وحده
""ماعاليش برَّه يا حبيبي وخد الباب ف أيدك""