| ترشيح العضو الثاني فوت ورشح | |
|
|
كاتب الموضوع | رسالة |
---|
نرجوسة نائب المدير
عدد المساهمات : 238 السٌّمعَة : 3 تاريخ التسجيل : 26/01/2010 رقم العضويه : 1
| موضوع: ترشيح العضو الثاني فوت ورشح الأربعاء مايو 26, 2010 3:03 pm | |
| السلام عليكم.......... كيف حالكم اعضاء المنتدى انشالله كويسين انتهى اسبوع الادمن وبنبدو اسبوع جديد لعضو جديد ونفس الحكاية يلي ايخش ايرشح عضو لحد مايوصل 3 مرات ترشيح . واني اول وحدة بنصوت ((((((((((هنو))))))))))) | |
|
| |
هنو مساعد المشرف العام
عدد المساهمات : 540 السٌّمعَة : 4 تاريخ التسجيل : 21/02/2010 العمر : 36 رقم العضويه : 13
| موضوع: رد: ترشيح العضو الثاني فوت ورشح الأربعاء مايو 26, 2010 3:50 pm | |
| دا بعدك يا نرجوسه نرجوسه نرجوسه نرجوسه نرجوسه نرجوسه | |
|
| |
Admin المدير
عدد المساهمات : 499 السٌّمعَة : 0 تاريخ التسجيل : 24/01/2010 العمر : 40
| موضوع: رد: ترشيح العضو الثاني فوت ورشح الأربعاء مايو 26, 2010 4:14 pm | |
| اها انى معاك هنو نرجوسه نرجوسه نرجوسه نرجوسه نرجوسه | |
|
| |
???? زائر
| موضوع: رد: ترشيح العضو الثاني فوت ورشح الأربعاء مايو 26, 2010 6:10 pm | |
| هاااااااااااااااااااااااااي عالحلوين باااااه قولتو نرجوسه خلاص نرجوسه ...راهووو وتي روحك |
|
| |
نرجوسة نائب المدير
عدد المساهمات : 238 السٌّمعَة : 3 تاريخ التسجيل : 26/01/2010 رقم العضويه : 1
| موضوع: رد: ترشيح العضو الثاني فوت ورشح الخميس مايو 27, 2010 12:46 pm | |
| اوووووووووووووووووكي معناها اني المرشحه وتقدرو تحطو اسئلتكم من اليوم | |
|
| |
ليمونة عضو ذهبى
عدد المساهمات : 924 السٌّمعَة : 8 تاريخ التسجيل : 22/04/2010 العمر : 36 رقم العضويه : 77
| موضوع: رد: ترشيح العضو الثاني فوت ورشح الجمعة مايو 28, 2010 1:43 pm | |
| وتحسابي في روحك بتهربي من الكرسي يا هنو غير قعمزي الا مايجي دورك يا حنه باهي يا ادمن غير ما شفت التصويت كان قلتلك صوت لي هنو هكي تخدل بي وتجي قي صف هنو باااااااااهي ماشي نرجوسه نرجوسه الي ما يعجبك فوتيه يا نرجوووووووووووسه نروجوسه بنسالك سؤال علاش تحبي النوم؟ طول الفتره الي عشتي فيها حياتك احلى حاجه حصلت معاك شن هيا واسواء حاجه شن هيا؟ ومن قدوتك في الحياه يا نرجوسه؟وشن هي مقولتك الي ماشيه بيها ديمه؟ ومن اقرب انسان لك تحسي لمن تحكي معاه انه هو نفسك ؟ وشن هو طموحك في الحياه؟ وهل انتي راضيه عن نفسك يا نرجوسه بوضعك وحياتك الحاليه؟
خلاص واجد عليك هكي | |
|
| |
نرجوسة نائب المدير
عدد المساهمات : 238 السٌّمعَة : 3 تاريخ التسجيل : 26/01/2010 رقم العضويه : 1
| موضوع: رد: ترشيح العضو الثاني فوت ورشح الجمعة مايو 28, 2010 3:33 pm | |
| ليمونة ياليمونة باهي ماكترتيش اسئلة هكي نبيك عليش انحب النوم ؟؟؟؟ لاني ننسى فكل شي واني راقده ولاني طبيعتي نتعب بسرعة فانرقد هلبه بس والعموم فضحتينا خلاص كان سئلتيني فالكلية جاوبتك ياهمي لكن اني نبي نلفت انتباه المشاهدين اني نقصته وماعادش نرقد هلبه احلى حاجه صارتلي هوا منين فسخت خطوبتي فرحت بيها بكل هديكا واسوء حاجه حاليا توا قعده اتصير وهيا اختياري الفاشل لمشرف بحثي قدوتي فالحياة امي ومقولتي يلي ايخلط روحه مع البشكوط ياكلوه العويله وبعد اذنك ليمونه عندي مقوله تانيه ماكل مايتمناه المرء يدركه تجري الرياح بما لا تشتهي السفن اقرب انسان هنودة وطموحي انكون افضل مما انا عليه في كل شي يعني طموحاتي هلبه ياليمونه وهل انا راضيه عن نفسي ايه راضيه والحمدلله وعن حياتي راضيه كذلك انشالله غير يعجبوك الاجوبة ياليمونة ومانتحشموش امعاك | |
|
| |
ليمونة عضو ذهبى
عدد المساهمات : 924 السٌّمعَة : 8 تاريخ التسجيل : 22/04/2010 العمر : 36 رقم العضويه : 77
| موضوع: رد: ترشيح العضو الثاني فوت ورشح السبت مايو 29, 2010 3:37 pm | |
| لا كفيت وفيتي يا حلوه ان شاء الله غير اني ما كترتش عليك واجد الاسئله | |
|
| |
هنو مساعد المشرف العام
عدد المساهمات : 540 السٌّمعَة : 4 تاريخ التسجيل : 21/02/2010 العمر : 36 رقم العضويه : 13
| موضوع: رد: ترشيح العضو الثاني فوت ورشح الأحد مايو 30, 2010 11:13 am | |
| ليمونه هههههههه خريك اتراعشي خايفه اتكتر عليك ولا يهمك كتري معليش تاخرت في الاسئله بس كل تاخيره فيها خيره نصائح يرجي منك اتباعها لضمانة السلامه للجميع وتي روحك وطربقي اصوابعك وباعدي اي شيء قريب بجبك يعني عما تحدفيه في الجهاز ولا فينا ماهو شعورك وأنت جالس على هذا الكرسي ؟؟؟؟؟ س. ليش اخترتوا هذا الاسم (بحرالشباب ) وماذا يعني لك منتدى بحرشباب,ونضرتك المستقبليه له ؟؟؟؟؟ س..شنو اكثر حاجة تحبيها في بلادك..؟ س.أجمل ما في الدنيا؟؟؟ س.لمن تحسي بالحزن تكتميه في نفسك او انك تبوح بحزنك لحد ؟؟؟؟؟؟؟؟؟ س. شني هيا طموحاتك على المدى القريب ؟ س.شخص ماترفضيله طلب..؟؟ س.-شني هيا التجربه التي تتمنى تكرارها ...؟؟ س.شن الي يشعرك بأكثر قدر من الاحراج...؟؟ ونختمها بي اخر سؤال والله الاخير هههههه س. جريمه تتمنى ارتكابها...؟؟ هههههههههه اهو ماكترتش عليك واجد | |
|
| |
القلم الباكى عضو مشارك
عدد المساهمات : 59 السٌّمعَة : 0 تاريخ التسجيل : 04/02/2010 العمر : 41 رقم العضويه : 4
| موضوع: رد: ترشيح العضو الثاني فوت ورشح الأحد مايو 30, 2010 4:12 pm | |
| بسم الله خلى نبدا .
1- شن رايك بصراحه فى كل من : admin , ihope so , ليمونه , هنوده , هنو , سراج ,
خرفش , القلم الباكى
2- بحكم انى عرفت انك تحبى النوم نبى نسألفك اغرب نومه رقدتاها يعنى وانت منفعمزخ او فى كوجينه
حاجه زى هكى لانى متأكد ان الامر ما يخلاش
3- شنى اللى يخليك مهتمه اكثر بالمنتدى المنتدى حد >اته او بعض الاعضاء اللى فيه
3- كم مره درتى عركه فى المدرسه او الكليه نجكى بالكلام مش ضرورى مصارعه .. احكينا على
وحده منهم شوى ودور البطوله لعبتيه انت والا اللى متعاركه معاها
4- شنى الشخصيه الكارتونيه اللى تشوفى روحك فاها
5- اعطينى لكل شخص من الاعضاء اللى بنقولك عليهم شخصيه تعبر عليهم فى مخيلتك سواء كانت
شخصيه عامه او كارتونيه او ممثل يعنى حسب مخيلتك : admin , ihope so , ليمونه ,
هنوده , هنو , سراج , خرفش , القلم الباكى
6- شن شعورك بعد ماجاوبتى على الاسئله
طبعا انى ديمه فى صفك وما نكثرتش عليك الاسئله
ربى معاك نرجوسه | |
|
| |
نرجوسة نائب المدير
عدد المساهمات : 238 السٌّمعَة : 3 تاريخ التسجيل : 26/01/2010 رقم العضويه : 1
| موضوع: رد: ترشيح العضو الثاني فوت ورشح الأحد مايو 30, 2010 4:18 pm | |
| ماهو شعورك وأنت جالس على هذا الكرسي ؟؟؟؟؟ عادي مرتاحه الصراحه لانه لكل سؤال عندي جواب ليه س. ليش اخترتوا هذا الاسم (بحرالشباب ) الصراحه اني جيت لقيت اسمه بحر الشباب ماكانش ليا دخل في تسميته واصلا واضح انه مالياش دخل لانه اني شن جابني عالبحر كان بنسميه انسميه صحراء الشباب حسب موقعنا فالبلاد يعني وماذا يعني لك منتدى بحرشباب,ونضرتك المستقبليه له ؟؟؟؟؟ المنتدى انحس فيه زي الكلية فيه جو ونفس الوقت نتمنى ايكون افضل والى الامام والكفاح الثوري مستمر ............ س..شنو اكثر حاجة تحبيها في بلادك..؟ تقاليدنا س.أجمل ما في الدنيا؟؟؟ الرومانسية س.لمن تحسي بالحزن تكتميه في نفسك او انك تبوح بحزنك لحد ؟؟؟؟؟؟؟؟؟ لا نحكي لهنوده كان نتصل بيها نص الليل المهم نحكيلها س. شني هيا طموحاتك على المدى القريب ؟ على المدى القريب طموحي التخرج من الكلية س.شخص ماترفضيله طلب..؟؟ امي س.-شني هيا التجربه التي تتمنى تكرارها ...؟؟ واللهي ماعشتش تجربه تستحق التكرار لي توا س.شن الي يشعرك بأكثر قدر من الاحراج...؟؟ اممممممممم منين نوقف على لوحة الدرجات وانلاقي روحي واخده زيرو فالماده يبدا وجهي ايفلتش واندير روحي مانعرفاش الرقم الدراسي لمن | |
|
| |
???? زائر
| موضوع: رد: ترشيح العضو الثاني فوت ورشح الأحد مايو 30, 2010 5:10 pm | |
| هااااااي نونو مش راح انطول اعليك الاسئله عارفتهم ربي يسامحهم تعبوك هلبه:ــ
1:ببساطه.... اشكون نرجوسه؟؟
2:هل احسستي مره بأنجداب تجاه احد اعضاء المنتدى من الشباب ؟؟؟؟قولينا اشكون هوا؟وعلاش؟ شني الي شدك ليه؟
3:شن هي الحاجه الي تميز شخصية نرجوسه؟
4: اكثر المواقف احرجا احصل امعاك؟
5: امنيتك في الحياة؟
بالتوفيق
ك |
|
| |
نرجوسة نائب المدير
عدد المساهمات : 238 السٌّمعَة : 3 تاريخ التسجيل : 26/01/2010 رقم العضويه : 1
| موضوع: رد: ترشيح العضو الثاني فوت ورشح الأحد مايو 30, 2010 5:31 pm | |
| 1- شن رايك بصراحه فى كل من : admin , ihope so , ليمونه , هنوده , هنو , سراج , خرفش , خرفش , القلم الباكى رأيي في اي هوب سو انها متقفه وتقافتها اتبان في مناقشتها للمواضيع ماتحبش تكتب كلمه ولا زوز اتحب اتعبر عن كل يلي تعرفه وادمن طموح جدا ومتفهم جدا ليمونه جوها حلو وعسوله ومجتهدة فالمنتدى وفالكلية هنوده حبيبتي وصديقتي عاقلة ومتقفه وصادقه وماتعرفش اتلف وادور في حياتها يعني كل شي عندها واضح هنو بنت على نيتها وهادية وخدومه اتحب اتساعد وبالها وااااااااااااااااااسع امفكرة نرقدلها فيه وسراج صراحة ماتلاقيتش امعاه ومش عارفه اعليه شي وخرفش وما ادراكا ما خرفش لي توا مجهول الهوية ومش معروف عنه اي معلومات زي يلي مشو لمثلت برمودا وماعادش ردو ههههههههههه 2- بحكم انى عرفت انك تحبى النوم نبى نسألك اغرب نومه رقدتاها يعنى وانت مقعمزه او فى كوجينه حاجه زى هكى لانى متأكد ان الامر ما يخلاش أغرب نومه كانت انه جيت من الكلية ولقيت امي بتمشي للخدمه وقالتلي ماترقديش راهو مافيش حد غيرك فالحوش وبيش تفتحي الباب لخوتك وقعدت فالمربوعه قلت نقعد اقريبه من الباب ونتفرج عالتلفزيون ومشيت فيها وجو خوتي وقعدو ايرنووو وايديرو في عرس برا واني مازال راقده وبعتالي جي خوي وفتحلهم الباب ودارو عليا هجوم فالمربوعه ولقيتهم فوق راسي وكل واحد يدوي بروحه واخر كلمه سمعته نتفكر يلعن شكلك مرة وحده فكرونه . 3- شنى اللى يخليك مهتمه اكثر بالمنتدى المنتدى في حد ذاته او بعض الاعضاء اللى فيه بعض الاشخاص يلي فيه. . 3- كم مره درتى عركه فى المدرسه او الكليه نجكى بالكلام مش ضرورى مصارعه .. احكينا على وحده منهم شوى ودور البطوله لعبتيه انت والا اللى متعاركه معاها. واللهي بطبيعتي مانحبش المشاكل وقليل جدا وين اندير عركه لكن فيه عركه لي توا متفكرتها وامدايرتلي رعب زمان كنت نقرا صف خامس وتعاركت مع وحده سودانيه فالمدرسه وحسبت انه العركه تمت ومنين طلعت امروحه لقيتها شادتلي موس واتراجي فيا وامعاها صاحباتها سودانيات واني الشنطه فيها مسطرة وبراية ومحايه بس يعني مافيش مكافئه فالاسلحه واتلمو اعليا السودانيات ونتفولي شعري وجي واحد فايت طلعوني منهم بالملقاط يعني دور البطولة لعبوه السودانيات واني لعبت دور الضحيه 4- شنى الشخصيه الكارتونيه اللى تشوفى روحك فاها ماروكو اودا دا او دا دا او دا او دا دا 5- اعطينى لكل شخص من الاعضاء اللى بنقولك عليهم شخصيه تعبر عليهم فى مخيلتك سواء كانت شخصيه عامه او كارتونيه او ممثل يعنى حسب مخيلتك : admin , ,ihope so , ليمونه , هنوده , هنو , سراج , خرفش , القلم الباكى ihope so انحس فيها زي كونان Admin انحس فيه زي مايكل دوقلز شخصية ليمونه انحسها زي كعبول هههههههههههههه هنوده انحسها زيني نفسي اني هنو انحسها زي هايدي سراج الصراحة ماتلقيتش امعاه ولا مرة مانعرفش خرفش انحس فيه زي جازوره القلم الباكي انحسك زي صالح الابيض هداكا يلي ايجيبو فيه فرمضان هههههههههههههههههههه 6- شن شعورك بعد ماجاوبتى على الاسئله شعور نايس لانه هذا واجبي لكن سادني خلاص شحورتوني | |
|
| |
هنو مساعد المشرف العام
عدد المساهمات : 540 السٌّمعَة : 4 تاريخ التسجيل : 21/02/2010 العمر : 36 رقم العضويه : 13
| موضوع: رد: ترشيح العضو الثاني فوت ورشح الإثنين مايو 31, 2010 6:26 am | |
| نرجوسه والله مشاءلله عليك هههههههههههههه قلتيني من الضحك علي مواقفك واشويه الي دارنه فيك السودانيات كان غير قاللي بس
فيه سؤال ماجاوبتيه
نبي جوابه
س. جريمه تتمنى ارتكابها..وفي من.؟؟
اني عارفه من بتقولي لها السبب نبوا اتنين | |
|
| |
نرجوسة نائب المدير
عدد المساهمات : 238 السٌّمعَة : 3 تاريخ التسجيل : 26/01/2010 رقم العضويه : 1
| موضوع: رد: ترشيح العضو الثاني فوت ورشح الإثنين مايو 31, 2010 4:37 pm | |
| 1:ببساطه.... اشكون نرجوسه؟؟
بنت بسيطه وكويسة بس.
2:هل احسستي مره بأنجداب تجاه احد اعضاء المنتدى من الشباب ؟؟؟؟قولينا اشكون هوا؟وعلاش؟ شني الي شدك ليه؟
لا ماحسيتش بأنجداب يعني لاني نتعامل مع كتابه لا اكثر وكتابة عضو فالمنتدى مش كافيه انه ننجدبله .
3:شن هي الحاجه الي تميز شخصية نرجوسه؟ مسامحه لابعد الحدود.
4: اكثر المواقف احرجا احصل امعاك؟ اول ماخشيت للكلية احني المواد انسمو فيهم بالارقام يعني مثلا انقولو 202 ولا 806 وكل المواد ارقام اول سمستر اني مانحفضش فيهم فيه يوم جيت لقيت بنيه صاحبتي وهيا مياسيا واهمي عندنا زي التراهنة يعني ديمه انكتو اعليهم خلاص واني مش عارفتها انها مياسيا مشت سئلتني شن عندك توا محاضرة قلتلها ايه قالتلي شني 401 قلتلها لا منطق مشت قالتلي ايه هوا نفسه المنطق ينادوله 401 قلتلها واللهي اني مياسيا امالا هي قاتلي وخيرهم وكيف اتقولي هكي واتحشمت ماعرفتش شن انقول .
5: امنيتك في الحياة؟ انحصل بعته لايطاليا. | |
|
| |
نرجوسة نائب المدير
عدد المساهمات : 238 السٌّمعَة : 3 تاريخ التسجيل : 26/01/2010 رقم العضويه : 1
| موضوع: رد: ترشيح العضو الثاني فوت ورشح الإثنين مايو 31, 2010 4:47 pm | |
| هنو جريمه تانيه تبي ايه فيه نبي ايجيبولي نزار بنحلقله شعره صفر فيه ثار بيناتنا عرفتي كيف نيزو | |
|
| |
???? زائر
| موضوع: رد: ترشيح العضو الثاني فوت ورشح الإثنين مايو 31, 2010 5:22 pm | |
| السلام عليكم ..تسلمي مشكوره نرجوسه مشالله عليك اتجاوبي بكل طلاقه ونحس فيك انك هلبه اموره ودمك اخفيف ربي يحفظك |
|
| |
هنو مساعد المشرف العام
عدد المساهمات : 540 السٌّمعَة : 4 تاريخ التسجيل : 21/02/2010 العمر : 36 رقم العضويه : 13
| موضوع: رد: ترشيح العضو الثاني فوت ورشح الثلاثاء يونيو 01, 2010 10:53 am | |
| ههههههههههههههه حلوه عفساتك يا نرجوسه القيتي وين اطيحي | |
|
| |
نرجوسة نائب المدير
عدد المساهمات : 238 السٌّمعَة : 3 تاريخ التسجيل : 26/01/2010 رقم العضويه : 1
| موضوع: رد: ترشيح العضو الثاني فوت ورشح الخميس يونيو 03, 2010 2:25 pm | |
| تنبيه ............ راهو اليوم اخر يوم ليا عالكرسي خلاص بعد الساعة 12 ماعادش نلقى حتى سؤال | |
|
| |
| ترشيح العضو الثاني فوت ورشح | |
|