عشان ينتشر المنتدي اكتر

حرام هالمنتدي الرائع بمواضيعه مايكون معروف فيه منتديات مش مفيده ومنتشره اكتر
لهذا برأي:
-اذا كان ممكن ينحط اعلان عن المنتدي في احدي المنتديات ومانعرفش شن الي يترتب علي الاعلان
-او في توقيع اي عضو منا يحط رابط في منتدي يكون عضو فيه لاني شفتها في اكتر من منتدي
مش عارفه شن رايكم انتوا

شكرا هنو فعلا كلامك صح ..... وهذا الموضوع بالذات شاغلى كل تفكيرى .
وانى فكرت اكثر من مره انى نطلب من اعضائنا المميزين زى نرجوسه وهنوده والبرنس اننا نفكروا فى حلول واقتراحات للموضوع هذا
بصراحه فى الاول فكرت فى اننا نجتمعوا كلنا فى نفس الوقت عالمنتدى ونناقشو الموضوع ونقترحو ونشوفو شن يطلع معانا
اهتمامك بالموضوع هذا هو اكبر دليل على انتمائك ليه وليك جزيل الشكر طبعا
وياريت يخشو كلهم وشوفو شن الراى المناسب ونتفقو
لو كان فكرة الاجتماع تمشى معاهم ننسقو عليه ولو كانو ما يقدروش او مايناسبهمش نشوفو الحلول المناسبه
شكرا مره تانيه هنو موضوعك يستحق الشكر

وعليكم السلام ورحمة الله
المدير وهنوده الله ايبارك فيكم ويخليكم وهذه واجبنا
اني ليا مدة انفكر في حل بس هده الي طلع معاي وعارفه انه شاغل بال الكل بس قلت انفكروا جميع عشان نوصلوا لحل وفكرة الاجتماع ممتازه وننتضروا باقي الاعضاء
ربي ايوفقنا انشاءلله