كيف أطفي جهازك بعد وقت محدد

كيف اطفي جهازك بعد مدة محددة انت تختارها:
الطريقة سهلة وحلوة وبسيطة ومافيهاش اي تعقيد ومفيدة جدا

نفرض انك انت كنت ادير في تحميل Download من النت -- وهذا التحميل
يكمل مثلا بعد ساعة وانت مستعجل وتبي تمشي لمكان وتبي بعد مايكمل الجهاز
ال Download يطفي بشكل سليم .
تمشي لstart
بعتالي run
نكتب الأمرهذا:
shutdown -s -t 3600
مع مراعاة الفراغ بين الحروف

علما بأن الرقم 3600 عبارة عن ساعة كاملة – هذه المدة اللي بيطفى الجهاز
بعدها -- طبعا تقدر اتنقص المدة ولا اتزيدها عادي.

ملاحظة : المدة تحسب بالثواني.
يعنى الساعة 60 دقيقة و الدقيقة 60 ثانية -- تبقى الساعة = 3600 ثانية
وكان مثلا تبي بعد ساعتين يطفي الجهاز 3600×2=7200 -- وهكذا

بعد ماتكتب الأمر هذا يطلعلك صندوق حوار ايقولك قداش زاد من وقت بيش يطفي جهازك بالساعة و الدقيقة و الثانية

ولو تبي تلغي أمر الأطفاء تمشي

على start -- و بعدها Run
ونكتب الأمر هذا

shutdown -a

وهكي اتكون لغيت عملية الـ shutdown للجهاز..

شكرا نرجوسه والله وفرتي عليا تعب واجد وسهر
منوره

المواضيع الباهيه تجى من الناس الباهيه .
منوووووووووووووووووووووووووووووره ديما انشالله .
والمنتدى منور بوجودك.

منووووووووووووووره نرجوسه صحيتي