هذه القصيدة للشاعر: المهدي بشير
نبكى ديما .. هذاك الخيال السمح وتبسيمه .. ديما ايتهاينلى .. ونبكى ديما
ديما طيفه
هذاك الخيال السمح في توصيفه ..
مشغال سر ما بطل على هفيفه
نلقاه في شهيق هواي في تنسيمه
نلقاه في عضأ ليام غايص سيفه
نلقاه في سواد الليل في تظليمه
نلقاه في ربيع العمر عات خريفه
نلقاه في مرار الحلق في التكليمه
نلقاه في أعروق القلب في تصريفه
نلقاه في الوجع ساكن صميم صميمه
نلقاه في فراغ الكون في التعتيمه
نلقاه في أخيوط الفجر في التجهيمه
نلقاه في أركان الجرح بين نزيفه
نلقاه في أدموع العين في التنديمه
نلقاه .. ! وين ما نلقاه ..؟ ضنك كيفه .. !
أبنادم ايهايلى مع تدو يمه
ونبكى ديما .... هذاك الخيال السمح والتبسيمه .... ديمه ايتهاينلى ونبكى ديما
الإثنين مايو 03, 2010 7:36 pm
