بحر الشباب

بحر الشباب

منتدى شبابى (الحياة العامه, الشعر, النثر, القصه, الانترنت .الرياضه, الاسلام, من هنا وهناك, دردشه, ومواضيع اخرى )
 
الرئيسيةالبوابةاليوميةس .و .جبحـثالأعضاءالمجموعاتالتسجيلدخول

شاطر | 
 

 الامثال الشعبيه القديمه

اذهب الى الأسفل 
كاتب الموضوعرسالة
ليمونة
عضو ذهبى
عضو ذهبى
avatar

عدد المساهمات : 924
السٌّمعَة : 8
تاريخ التسجيل : 22/04/2010
العمر : 30
رقم العضويه : 77

مُساهمةموضوع: الامثال الشعبيه القديمه   السبت يونيو 05, 2010 5:50 am

يا سعد من قال أمي .. وقالت نعم وجاوباته .. تاريتها الأم جنة .. ياتعس من فارقاته .

كل حد وسعده .. حتى البرم ، وحدة تطبخ في السفناري ، وحدة تطبخ في اللحم .

مدام ولدي حي يا سعدودي .. نوار قبرعون فوق خدودي .

الشوارب تبوس .. والقلب فيه السوس .

الفار الزرباز من سعد القطوس .

اللي واخذ على طعامك ، وين يشبحك يجوع .

صامت قليل الملح ما يتعدّى .. برّك احدانا ناقته وتغذّى .

ما يحبّها شبح .... جابوهلّه عروس .

في اللبس زوجة من ... وفي الشرف بنت من .

كل شئ دواه الصبر ، إلا قلّت الصبر ماليهاش دواء .

اللي ضرباته أمه راحت فيه .

مشيت للبحر نشكي من كبر هبالي .. حتى البحر وخّر ووجعه حالي .

غايضه واسمع مافي قلبه .

كل شئ تلقاه في السوق ، كان أمك وبوك .

اللي يحب روحه ، يقعد بروحه .

شرْقه بريقك ، توّريك عدوّك من صديقك

أبعت ولدك للغابة أيجبلك مثله من العيدان

أبكي من يتيم وابخل من عقيم

ابرد من تلج الليالي

ابني على الهمة إيجيك المال

أبنادم ايقول قول وربي يفعل فعل

اتغدي بعدوك قبل ما يتعشى بيك

أتعلم وترك

أتغرب واكذب

اجعل خدامك من حزامك

أجعلك يا مادي بين جاي وغادي

اجعل من حادانا يربح

أجعلك نوارة فى عيون النغاره

أجعلك غابة والناس حطابة

أجبد ولاترد حتي الجبال تنهد

أحييني اليوم واقتلني غدوة

احبال سو طاحوا في بير

احسبني كيف خوك وحاسبني كيف أعدوك

اخطم على عدوك جعان ولا تخطم عليه عريان

اخنب وصدق ياعدو الله

أخراب العبيه ولافساد البنية

اخدم بناصري وحاسب البطال

اخداها من اخداها وحتزت

اخطي راسي وقص

اخيه وايدي فيه

اخفلها اجرالها

أخر الطب الكي

ادبارة الفار على أهل الدار يبيعوا القطوس واشروا جبنه

__________________________________________________ ___
الـبــخـــــــــــــت

قليل البخت يلقي العظم في الكرشة

قليل البخت يلقي العظم في الرية

أصحاب السعد تحطّبلهم الريح

طايح السعد ينبحن عليه كلاب السوق


راقد الريح ينبحن عليه كلاب السبخة

الباب مفتوح والرزق علي الله

ـختـك نـصـيـبك

اللّي لك ما يخذها غيرك

اللّي مكتوبتلك تقسملك
اللي قاسمتلك ما اطيح من فمـك
بـخـتك هـو نصـيبـك
__________________________________________________ ____
الــــــــــــــرجـــل
الراجل يحي قبيله والقبيله ما تحيي راجل

الراجل تربطه كلمته


الراجل ما يلحسش كلمته

الراجل راجل

الراجل تربطه كلمته والثور من قرنه

لراجل طير حر ان حصل ما يتخبل

الراجل سعده في اقدامه

الراجل كلمته ما طيحش في الارض

الرجال محاضر موش مناضر

الرجال بالاقدار مش بالأعمار

راجل ولا عشر رجاله

الرجال يتلاقوا والجبال ما يتلاقو
__________________
________________________________ ____


الـبــــــــــنــت

البنت أم والولد كـم

البنت حنونة

البنت ضرة أمـها

البنت تتربي مرتين : وحـدة عند بوها، وحدة عند راجلها

البنت تجيب من عمتها ولو كان من كعبتها

بنت المفوّز علي عيون بوها تتجوز

بو البنات مرزوق

اللي خلف البنات ما مات

أعطي بنتك وزيد عصيدة

بفلوسك بنت السلطان عروسك

بقروشك تاخذ بنت السلطان

رباية البنت علي أمها

خوذ بنت عمك تصبر علي همك

عليك ببنات الأصول راهو الزمان يطول

خوذ البنات من صدور العمات

أكفي الجرة علي فمها تطلع البنت لأمـها

المرا حرفة ولو كان جابها وادي

المرا قعّادة حوش

اللي يخونها ذراعها تقول: أنا مسحورة

الحرة أول ماتكنّس حوشها

اجعل كل ثنيّة عندنا فيها ولية

اللي مراته قصيرة يفرح ويقول صغيرة

من كبر بختي جت كنتي بنت أختي

مركب الضراير سارت ومركب السلايف حارت

ما هم إلا هم السّلْفة، أما الحما ماشية منتلفة

عقربين في غار ولا أختين في دار

حتي وهي مريضة ما تنسي القريضة

الزاطلة تخبر بليلة عرسها

الضرة ضرة ولو كانت وذن جرة

أم الهبلة تموت وهي تاكل في شواربها

تبطل أم المهبولة وهي تعض في شِفّتّها

حُبّ النسا والريح ماله دولة مهبول من يفرح للي يضحكوله

لاتاخد رأي المرا ولاتتبع الحمار من ور

__________________________________________________ ____

الــــــــــقرابـــة

الدم ما يولي مية
خوك خوك لا يغر بيك صاحبك

حتي المصارين في البطن ايتعاركن

رزق خوه عند خوه

دمـك دمــك

دمـك ســمّك

الـجــــار

الجار أولي بالشفعة
الجار قبل الدار

الجار بالجار

جاور حسود ولا تجاور معيان

دير ما يدير جارك ولاّ قلّع باب دارك

صون رزقك ولا تخون جارك

الـضيافــة والكـــرم

ضيف ليلة ما تورّية فقرك

ضيف وكلوفي

الضيف علي الضيف أحرّ من نار الصيف

الضيف وجهه أبيض

ضيف لجواد ايضيف

العيش يوتكل علي وجوه هله

إكرام الضيف ثلاث أيام

اللي عنده موش له

يــده في جيبه

يده مطلوقة

ليلة ضيفك أنسي فقرك

منقوله من برنامج الكلام الزين(للاستاد محمد احقيق)

ونكملوها المره الجايه في موضوع جديد

وفيه حتى ادعيه لبيه للبنت والولد وحاجات هلبه هلبه نتمنى تعجبكم
واستنوني في حاجه حلوه بتعجبكم ماتزرطوش ريقكم واجد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
هنو
مساعد المشرف العام
avatar

عدد المساهمات : 540
السٌّمعَة : 4
تاريخ التسجيل : 21/02/2010
العمر : 30
رقم العضويه : 13

مُساهمةموضوع: رد: الامثال الشعبيه القديمه   السبت يونيو 05, 2010 3:44 pm

مشكوووووره

بس لو نزلت كل موضوع بروحه

اعجبت بما قريت وننتضروا في كل جديد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ليمونة
عضو ذهبى
عضو ذهبى
avatar

عدد المساهمات : 924
السٌّمعَة : 8
تاريخ التسجيل : 22/04/2010
العمر : 30
رقم العضويه : 77

مُساهمةموضوع: رد: الامثال الشعبيه القديمه   السبت يونيو 05, 2010 3:54 pm

الموضوع كبير وتسحي بعض امثال متقاربه
فلهدا المره الجايه حنقسمه شوي شوي ان شاء الله
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
????
زائر



مُساهمةموضوع: رد: الامثال الشعبيه القديمه   السبت يونيو 05, 2010 4:06 pm

يا سعد من قال أمي .. وقالت نعم وجاوباته .. تاريتها الأم جنة .. ياتعس من فارقاته


تسلمي ليمونه والله وصح السانك


الحوش بلا الخوت مهجور والبيت بلا الأم جافي ولا ينفع في النساء طيبة خير ولا ينفع فيهن قلب صافي.

6
الرجوع الى أعلى الصفحة اذهب الى الأسفل
سراج
عضو مميز
عضو مميز
avatar

عدد المساهمات : 133
السٌّمعَة : 1
تاريخ التسجيل : 15/02/2010
العمر : 32
رقم العضويه : 12

مُساهمةموضوع: رد: الامثال الشعبيه القديمه   السبت يونيو 05, 2010 4:27 pm

الشوارب تبوس .. والقلب فيه السوس ....حلو هلبة المثل هذا علي جماعة النفاق الاجتماعى
Very Happy
تسلمي ليمونة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ليمونة
عضو ذهبى
عضو ذهبى
avatar

عدد المساهمات : 924
السٌّمعَة : 8
تاريخ التسجيل : 22/04/2010
العمر : 30
رقم العضويه : 77

مُساهمةموضوع: رد: الامثال الشعبيه القديمه   السبت يونيو 05, 2010 4:58 pm

الله يسلمك سراج
مشكور على المرور
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
الامثال الشعبيه القديمه
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
بحر الشباب :: منتدى التراث الليبي :: تراثنا الليبي-
انتقل الى: