هالب وراي قديم جيتك رامي
بالك اتداوي ياجديد الامي
داوي دايا
وخلك اقريب ياجديد احذايا
واسعى علي نسوة قديم امعايا
وخليني علي حنك انحل اصيامي
وداوي اجروح امغيبات هنايا
كمين صرخة في صميمي كامي
وكان ريتني مستوه راه تهايا
الي وين مايخطر اتضيق علامي
جيت ابجرحي
جيت من قديم اليوم ناسي فرحي
جيتك امرافق حزن ديما طرحي
جيت من صحاري يامنايا ضامي
قصة عذاب ايطول فيها شرحي
كابوس تمت حاضرة افمنامي
جيت ابطوعي
جيت من قديم انهر ناصب نوعي
اسيول عاليسار وعاليمين ادموعي
جيتك امدقدق ياعيون الدامي
جيتك ابحربة غارسة في اضلوعي
نا دخيلتك افزع اوعد ملامي
نسيني الي فيهم فشل مشروعي
في دنيتك ناوي ايكون مقامي
خلك حنون امعاي هدي روعي
عطيني وفاك وخوذ كل غرامي
جيت ابعبرة
وجيتك ابجرح قديم مابا يبره
وجيتك ابخاطر ضاق نافذ صبره
وجيتك ابلطة ياجديد اقسامي
تقنيد المفاصل شين موعر جبره
ونا مفاصلي قند ورق عزامي
جيتك ابقصة ياجديد بغبرة
اليوم حايلة بيني وبين منامي
ويقولو السلك ان طال راحت لبرة
ماعاد ينفع عالقديم كلامي
مدعى قديم اليوم حافر قبره
انريد انتلذذ في عقاب ايامي
الخميس أغسطس 19, 2010 10:42 pm
