حوار أدم بحر الشباب وحواءه

قلت فى الأول تأتي عضوة لتطرح سؤال .... من منطلق Lady's first

لكن إذا كان هناك عضو يبى يبدأ بطرح سؤال... مرحبا به فليتفضل...

بديتى بقوه هنوده .
انى ممكن بنتكلم بطريقه تعبر عن رأيى الشخصى اكثر من اى شئ اخر . ومش متأكد ان كان صح او غلط , لكن هذا هو ما وصل اليه تفكيرى
التعارف عن طريق الانترنت مثله مثل اى وسيلة تعارف اخرى كالدراسه والعمل والصدف .
لكن ما بعد التعارف عن طريق النت هو المهم . الارتباط عندى يعتمد على اكثر من نقطه اقلها اهميه هى طريقة التعارف . والحب ليس الاساس للاسف . ولكن التوافق الفكرى والاجتماعى والبيئى والعائلى هم الاساس .
لما نرجع لاساس السؤال ممكن نرتبط وممكن لا والنت ماليشى علاقه فى الاثنين .
عندى الانترنت ماهو الا وسيلة تعارف ليس الا ولا يشكل فيصلا لا اجابيا ولا سلبيا عندى.
وقد احب فتات عن طريق الانترنت عادى جدا , لكن الارتباط بها يحتاج الى الكثير من التفكير والمقارنات كما فى اى حالة ارتباط.
اسف على الاطاله لكن الموضوع شائك
صحيتى هنوده .

العفو لكن نفس السؤال نفسه موجه ليك . ياريت نعرفو ارائكم انتم البنات ايظا

هنودة سلمك ليا وخلاص ديمة تعرفي شني تسئلي
بانسبة ليا اني انشوف انه النت طريقة وحضارية يخي فالتعارف ومافيهاش اي مشكلة لانه البنت اللي عالنت هيا نفسها اللي برا وبعدين هوا النت بداية بس يعني برنامج المحادثه غير بيش يتعرفو فالاول مثلا وحدة فسبها وواحد فطرابلس شني بيعرفهم على بعض كانا مش النت .
وكل حاجة عندها ايجابيات وسلبيات وايجابيات التعارف عن طريق برامج المحادثه انه ممكن اتحب شخصية اللي اتكلم فيه على افتراض انه هوا مايصطنعش في تصرفاته اتحبها قبل لا تشوفه حتى ممكن يعني الشخصية قبل الشكل اما فالتعارف العادي انت بدور وحدة شكلها يعجبك لانه ماتعرفهاش شن هيا
عالعموم مابنطولش عليكم لكن ياريت كل واحد يكتب وجهة نظره بصراحة والادمن انحسه مش مقتنع بالتعارف عالنت لانه هكي فهمت من المشاركة امتعته حكاية انه فيه حاجات مابعد التعارف هذي بتصير معاك فالحالتين مديرنا البنت من النت ولا من الشارع ولا العمل
وثااااااااااااااااااااااانممنوع هنوده حبيبتي

نرجوسه انت فهمت كلامى غلط . انى قصدت نفس كلامك تقريبا ... النت وسيلة تعارف زيه زى غيره من الوسائل . وهذا قلته انى فى كلامى . اللى قصدته ان فكرة الارتباط ما تعدمش على طريقة التعارف , لكن يعتمد على اشياء اهم . يا ريت فهمتونى وكلامك مقنع نرجوسه

موضوع جميل وسؤال جميل
قاعدين في نفس الموضوع ادمن انت جاوبت عن نفسك ونحترموه بس نبي نسال بصفه عامه عن تفكير ادم في هالموضوع برايك

هنو مش حتقدرى تعرفى تفكير ادم بشكل عام لانه هذا التفكير يختلف من شخص الى اخر
من الصعب انك تجصلى فكره عامه
لكن تو نفكرو بعد وقت فى استطلاع للرأى
مشكووووووووورين

ردا علي الاستفتاء
براي انه اي علاقه بين ادم وحواء بغض النظر عن طريقة التعارف لازم اتكون معتمده علي شروط

تمام هنو ... لكن الشروط شن هيا , بالاضافه ان النقاش فى الموضوع هذا يركز على التعارف الغير مباشر على الانترنت او الهواتف مثلا

عندك الحق هنوده ... لكن سؤالك كان شائك شويه وفيه ناس هلبه كانو يستنو فيه .
حنسكرو بابه السؤال. ونستنو السؤال القادم

على فكره صار معاى موقف وقفت عنده هلبه .... وتوا فكرت نسأل هالسؤال للبنات
لو كنت يا حواء تحبى شخص ما صديق او زميل او غيره...... هل من الممكن انك تصارحيه بحبك والا تقعدى تستنى على امل انه يصارحك هوا

الصراحة بنقعد انراجي فيه ومانقدرش اني يلي انصارح واحد بحبي
حلو السؤال على فكرة

Admin كتب:

تمام هنو ... لكن الشروط شن هيا , بالاضافه ان النقاش فى الموضوع هذا يركز على التعارف الغير مباشر على الانترنت او الهواتف مثلا

اسفه علي التاخر في الرد
نتوقع هده يتوقف علي فارس الاحلام الي تتمناه حواء يعني تختلف المواصفات من بنت لبنت
الي نبي نوصله انه لازم يحمل الصفات الاساسيه الي نتمناها اتكون موجوده في ادم الي بنرتبط بيه
اني انشوف انه لاوم من الشروط سواء التعرف عن طريق مباشر او غير مباشر
نتمني اتكون فكرتي واضحه

سؤالك حلو
عن نفسي مانقدر انصارحه نستناه لين ينطق الجوهره
اعتقد اغلب حواء مش الكل متلي ومتل نرجوسه
نرجوسه يقعادك اتمشطي في الشيب

اجابتكم متوقعه نرجوسه وهنو وممكن طبيعيه لكن المشكله ان الشخص اللي ماصارحتيشي بحبك من الممكن يكي يحب غيرك يعني من الممكن انك تقعدي تستني في امل وتربطي بيه مصيرك وانت مش عارف نهايته والسؤال هنا كم من الوقت ممكن تقعدي تستني فيه لين يتكلم هوا

هنو لا شبت ومشطته خلاص
بالنسبة لحكاية كم بناخد وقت فا هو الوقت مش معروف مرات نوصل مرحلة انفد ونرتبط بحد تاني كان جتني فرصة المهم مش حنقوله اني فالاول لانه كان هوا ماهنداش الجرأة اني مابنجيش جريئة اكثر منه بعتالي اصلا الراجل يلي مش جريء اني اصلا مانحباش وبنفوته طول هذا يلي ساكت

المشكله انه مرات ماتكلمش لانه ناقص جرأه ... لكن لانه ما يبيش يخسر صداقتك على الاقل او انه خايف تقولى عليه انه فهم علاقتك بيه غلط او او او ...
والا فى حلول بديله للمصارحه زى التلميح من خلال الاهتمام والمعامله ؟؟؟

بالعاده الرجل الليبي يتميز بالجرأه الاغلبيه بس اكيد فيه اقليه
وهاالشخص الي من الاقليه (مع اني من البنات الخجولات جدا جدا)بس براي لو يستاهل يستاهل حنلمحله زي ماقلت انت والبنات ماياحلن  
نرجوسه فيه شباب يكونوا خجولين في البدايه بس ارفعي معنوياته اشويه بلباقه ايصير منه لانه اسبابه مرات اتكون زي ماقال المدير لو يستاهل طبعا  

بما ان مفيش سؤال جديد للشباب انقول راي في موضوع التعارف بالنت ..حقيقة ان التعارف بالنت سواء بالكتابة او بالصوت يمكن ان يكون تعارف صداقة اخوية لا اكثر لانك لا تعرف الشخصية الانسان بهذه الوسيلة وانا متاكد ان الي يتعرف بهذه الوسيلة ممكن انه اكون صديق لكن اصعب شئ يفكر فيه الحب و الارتباط وبكاد يكون مستحيل التفكير في الارتباط يعنى هذه وجهت نظري والناس اجناس واراء ...
وتوا سؤالي للبنات؟

هل الحب للبنت يعنى اتحب شاب في الجامعة او في العمل او بأي طريقة ...هل يعتبر خيانة للأهل ؟؟

اني بصراحه نعتبره ما بين البينين
يعني خيانه ومش خيانه
لكن لمن يحب قلب الواحد ما يقدر يتحكم في حبه

براي كلمة خيانه كبيره اشوي
يعني لمن يكون حب صادق وبدون تلاعب من قبل الطرفين وفي اطار الاحترام مايعتبرش خيانه
هما الاهل شن يبوا غير سعادة ابناءهم
ممكن زمان كان خيانه توا اغلب العائلات صار عندها مقبول انه البنت هي الي تقول لاهلها عن شخص متقدملها ممكن مش الكل بس في زياده

في الوقت هدا ياهنو مافيش حب على ما اعتقد انتي تشوفي في الجامعه كيف
مهزله مش حب وخيانه وكدب في كدب مهناكش حب في هالزمان وفي وقتنا هدا بالدات الا ماقل وندر
لامش كبيره كلمة خيانه بتحب حب بس في حدود وبعلم الاهل انضني هكي احسن