أهلاوسهلا ومرحبتين خش ورحب بزملائك

وانا اول وحده بنبدا
على اي اساس اخترت النك نيم اممممممممممم مش عارفه لاني نحب ندلع روحي
الهوايات " السباحه والرمايه وركوب الخيل" انبصر النوم تحت التلفزيون
او ماده وجهي في شاشة الكمبيوتر
نحب نسمع الموسيقى والاغاني اي نوع المهم تكون كلماتها ليها معنى "وما عنديش فنان مفضل"
نحب نقرا اي شي"حتى اليافطات" نلقاه لكن نفضل الروايات العالميه
قهوتي ناقصه سكر
وطبعا ما ندخن
اني توا بنتخرج من كلية العلوم قسم حاسوب
بالنسبه للعيوب اممممممممممم اوكي حاجه لازم تعرفوها عني اني ما نتحمل الاخطاء اللغويه وانحب نصحح
الاخطاء انجليزي أو عربي "صراحة مرات انحس في روحي مزعجه "
وتوا خودا راحتكم

السلام عليكم
اني امير من طرابلس اخثرث النك نيم لان اصحابي سموني امير خان علي ممثل هندي
هوايتي كرة القدم والمطالعة
نشرب في قهوتي مرة زي الايام
مدخن
اني نقرا في العلاج الطبيعي والسنة الجاية نتخرج كان سهل ربي

بادره حلوه هنوده . والفكره الحلوه تجى من الناس الحلوه
خلى تبدا توا :
بالنشبه للنك نيم اخترت صديقى وكاتم اسرارى كاسم اول ., وكاسم تانى كتبت حالة صديقى فى عشرته ليا فتكون عندى ( القلم الباكى )
الادب بصفه عامه . المطالعه . السفروالسياحه . والانترنت طبعا
بالنسبه لقهوتى ما عنديش علاه انى مدمن شاهى
انى نقرا سنه تانيه تخدير
بالنسبه لعيوبى وميزاتى هذى صعبه شوى لانى كلى عيوب ... وكلى ميزات
( فقد اخذت من كل بستان زهرة وشوكه .. انا طروب تعيس ... ملىء بالاحاسيس .... كثير التفكير ... متوسط التدبير ... ان تركت لقلبى المصير ... وقعت فى مأزق خطير ... وان تركت لعقلى التقرير ... صرت كالألى أسير .... كل البرود انا ... كل الاشتعال انا ... خليط لا افهمه حتى انا ..)
وتشرفت بيكم امير خان وهنوده و نرجوسه ول انى ما شفتهاش فى الصفحه هذى وطبعا مديرنا
هيا اعتبرونى حديد هيا رحبوا بيا

امير خان امممممممممممم فيه شبه بسيط وليش الايام مره انت بايدك تخليها حلوه
والتخدين ضار بالصحه والجو هدا"لازم نقولها"زي عبارات التحذير على باكو الدخان
والعلاج الطبيعي حاجه كويسه وانشالله ربي يوفقك

اهلين بيك القلم الباكي وشكرا لتفاعلك
القهوه حاجه شكلية لان بعد تمشي لمكان يسألوك كيف تحب قهوتك
ونقولك سر حتى اني مدمنة شاهي
وعجبني خليط عيوبك ومميزاتك

السلام عليكم

وعليكم السلام ورحمة الله وبركاته _ اهلا ومرحبتين بيك ضيفه عزيزه علينا سوسو _وبعد الترحيب اكيد مش حتكوني ضيفه انت حتكوني وحده منا . علي فكره ما كتبت شي علي روحك عرفي زملائك بيك. ومرحبتين بيك

سوسو يا سوسو وعليكم السلام واهلين بيك كفرد جديد في عيلة منتدى بحر الشباب
واكتبيلنا عنك شوي

السلام عليكم .....والموضوع يستحق التعليق غير اني ماانتبهتش من قبل
اخترت النك نيم على اساس ايميلي نرجوسة
الهوايات تقريبا زي هنودة نمشو اني وياها لنفس المكانات يعني ركوب راس مش ركوب خيل
ماعادش اتخرفي من راسك ياهنودة
اني هواياتي بجد بجد وواقعية مشاهدة الافلام الاجنبية وانحب انغني بس وهوايتي المفضلة النوم
ماعنديش معاه الروح
اما القهوة مانشربش فيها لا قهوة لا شاهي

ونقرا كلية علوم قسم حاسوب والسنة اهيا انتخرج انشالله
عيوبي هلبة نبي منتدى فاضي بيش ايسد لالا هوا عيب واحد مزاجية مرات بس
مميزاتي طيبة من الاخير وقلبي ابيض
اما سمايل ايعبر عن شخصيتي هوا هذا
انشالله ماطولتش عليكم حاولت نختصر قدر الامكان غير هنودة نتت فينا وقالت ماتكثروش الدوة
بس بس

قلنا ما تكتروش الدوه يا نرجوسه نفكر نحدف ردك لكن بنديرلك واسطه هالمره وسامحتك وماعاد تعاوديها

مرحبتين سوسو.
هنوده مشكوووره
نرجوسه تفكرتى اخيرا لكن انشالله بالنجاح اعزمونا فى التخرج

احم احم خشيت بس نبي نشكركم على تفاعلكم مع الموضوع وبنشكر الادارة على تثبيت الموضوع

السلام عليكم
النك نيم من اسمي امممم نشرب وناكل كلو كلو كلو مااندخن الحمدلله غايتي هههه
خريجه من الحاسوب وتوا مممنوعده علي النت’ مافيناش من خالي من العيوب او المميزات وصعب الانسان يحكي عن نفسه
اسمايل ايعبر عن شخصيتي ممكن اكتر شيء مناسب هو
وتشرفنا وانشاءلله انفيد ونستفيد

مشكووووووووره هنو عى تفاعلك ومنوره المنتدى

السلام عليكم ورحمه الله وبركانه هذه اول مشاركه لي بالمنتدي الجميل ولذلك ارسل شكري وتحياتي للقائمين علي المنتدي وجميع الاعضاء شكرا لكم

اهلين بيك
يشرفنا انظمامك ونستنو فى فى نشاطك
على الرحب و السعه

السلام عليكم ورحمه الله وبركاته/قبل التعارف لماذالا نجعل البدايه بالصلاه والسلام علي اشرف الخلق شفيعنا في الدنيا والاخره حبيبنا وقره اعيننا سيدينا وحبيبنا محمد بن عبد الله اللهم صلي وسلم وبارك عليه بعدها يكون احلي تعارف وصداقه { من كان لله دام واتصل ومن كان بغير الله ما دام وانفصل } فاجغل صداقتك دائما لله خالصه لله سبحانه وتعالي . مرحب بالجميع

وعليكم السلام ورحمة الله
كلام طيب مش شخص اكيداطيب
مرحبا بيك معانا

اه نسيت يا ريت تعرفنا بنفسك اكتر

السلام عليكم ورحمه الله وبركاته [اللهم صلي وسلم علي النبي العدنان الف صلي وسلام عليه ] وبعد شكرا للاخت الفاضله هنوده علي كلامها الجميل واحب اعرفكم بتفسي اسلام اسمي والاسلام اكبر صفه من صفاتي المؤهل جاهل امام كل انسان استفاد من علمه متزوج وعندي ولد وبنت اسم ابنتي ايات من ذكر الله وحالتي الماديه عايش بفضل من الله وحده امنيتي الوحيده اجد صديق يعلمني ما اجهله من الحياه الصداقه طبعي طالما لوجه الله احلي الكلام عندي كلمه واحده ابدء بها كل صباح وهي[ لا الله الا الله مجمد رسول الله] فهيا بنا جميعا نجعلها بدايه لنا في كل وقت ليكون اللسان رطب والقلب عامر بذكر الله ....................... مايلفظ بلفظ الا لديه رقيب عتييد والسلام عليكم ورحمه الله وبركاته

وعليك السلام اخي اسلام
انشاءلله الصديق الي تتمنا تتعلم منه وتعلمه هوا هالمنتدي
لا اله الا الله محمد رسول الله

السلام عليكم * اهلا وسهلا انا عضو جديد في المنتدي وانشاء الله نكون معرفة خير عليكم
تحياتي لكل اعضاء المنتدي اتشرافنا بيكم

السلام عليكم
الاخوه اسلام صلاح , الشموخ
اهلا بكم فى منتداكم بين اخوتكم واخواتكم تفيدون وتستفيدون
مرحبا بكم مره اخرى ونحن فى انتظار تفاعلكم .

وعليكم السلام
الشموخ
مرحبيتين بيك معانا

شكرا ليكم ايمن وهنو انشاء الله ربي يحفظكم

السلام عليكم ورحمه الله وبركاته : شكرا للاخ العزيز ايمن ولجميع الاعضاء والقائمين علي ال منتدي وارحب بالعضو الجديد [الشموخ] داعين الله ان يوفقنا جميعا الي خير الاعمال ويهدنا الي سبل الرشاد [ان الله وملائكته يصلون علي النبي يايها الذين امنو صلوا عليه وسلموا تسليما]

السلام عليكم ورحمه الله وبركاته: اهلا وسهلا ومرحبتين خش و.......اقرا معي هذا الحديث القدسي لا تتعجب لا الحديث تقشعر له الابدان اقراها فهي قصيرهولاكن مؤثره جدا.راقب اافكارك لانهاستصبح افعالا.راقب افعالك لانها ستصبح عادات.راقب عاداتك لانهاستصبح طباعا.راقب طباعك لانها ستصبح مصيرك. [تتجلي عظمه الخالق في الحديث القدسي قال سبحانه وتعالي. يابن ادم جعلتك في بطن امك وغشيت وجهك بغشاء لئلا تنفر من الرحم وجعلت وجهك الي ظهر امك لئلا تؤذيك رائحه الطعام وجعلت لك متكأ عن اليمين ومتكأ عن الشمال فاما الذي عن اليمين فالكبد واما عن الشمال فالطحال وعلمتك القيام والقعود في بطن امك فهل يقدر علي ذالك غيري واوحيت الي الملك بالارحام ان يخرجك فاخرجك علي ريشه من جناحه لا لك يد تبطش بها ولا قدم تسعي فاتبعت لك عرقين رقيقين في صر امك يجريان لبنا خالصا حار في الشتاء وبارد في الصيف والقيت محبتك في قلب ابويك فلا يشبعان حتي تشبع ولا يرقدان حتي تنام . فلما قوي ظهرك واشتد ازرك ....... بارزتني بالمعاصي في خلوتك ولم تستحي مني ومع ذالك احببتك وان سألتني اعطيتك وان تبت قبلتك سبحان الله العظيم اللهم يامثبت القلوب ثبتنا علي دينك وطاعتك . ارجو من يقرأها برسلها حتي مره واحده قال رسول الله صلي الله عليه وسلم [بلغوا عني ولو ايه] لا اله الا انت ربي سبحانك اني كنت من الظالمين اللهم صلي وسلم علي سيدنا محمد وعلي اله كما لا نهايه لكمالك وعدد كماله ............

السلام عليكم ورحمة الله وبركاته
انا اسمي امينه
طالبه في كلية العلوم قسم الحاسوب
سمستر واح ونتخرج ان شاء الله
هواياتي
الشعر درجه اولى المطالعه ركوووووب الخيل نحب نقرا قصص ورويات والمطبخ احلى هوايه عندي التقعميز على الحاسوب والتلفزيون عدوي مانحباااااااااااااااااااااش
النيك نيم قريب شوي لاسمي بس سماني بيه ولد خالتي متربي معانا وانا المشرفه على التربيه تبعه
يناديلي ليمونتي مشت فيا في الحوش
طييبه القلب مزاجي متقلب عصبيه بس حنينه دموعي على برا
صعب الواحد يوصف نفسه
ان شاء الله نكون وفيت
والقهوه انحبها مرررررررررررررره ولا درة

السلام عليكم ورحمة الله وبركاته
انا اسمي امينه
طالبه في كلية العلوم قسم الحاسوب
سمستر واح ونتخرج ان شاء الله
هواياتي
الشعر درجه اولى المطالعه ركوووووب الخيل نحب نقرا قصص ورويات والمطبخ احلى هوايه عندي التقعميز على الحاسوب والتلفزيون عدوي مانحباااااااااااااااااااااش
النيك نيم قريب شوي لاسمي بس سماني بيه ولد خالتي متربي معانا وانا المشرفه على التربيه تبعه
يناديلي ليمونتي مشت فيا في الحوش
طييبه القلب مزاجي متقلب عصبيه بس حنينه دموعي على برا
صعب الواحد يوصف نفسه
ان شاء الله نكون وفيت
والقهوه انحبها مرررررررررررررره ولا درة سكر

وعليكم السلام امنورين المنتدي ياشباب

بســم الله الـرحمــن الرحيــم

السلام عليكــم ورحمـة الله وبركاتــه ،،


عزيزي/عزيزتي اعضاءنا الجُدد مرحبا وهلا والله فيكم
اريدك تقرأ موضوعي لاخر قطره فيه حتي تصلك فكرتي
واريد ردك بصراحه ومن دون خجل
يمر علي ذهني عدة اسئله تهمك قبل ان تهمني!!
لماذا تأتي وترحل في نفس الموعد ؟؟
هل فهمت سؤالي ؟ّ!ْ
بالطبع لم تفهم سؤالي والان سأوضحه لك اكثر
سوف اقول رحلتك بمنتدانا وسأقول ايضا مراحلها
لا اريدك زعلك لكن دعنا نٌفسح للصراحه والوضوح طريقا ::

* أول مرحـله *

تقوم بتسجيل اسمك لكي تصبح عضوا في منتدانا

*ثاني مرحله*


تتجه فوراً الي منتدي الترحيب

*ثالث مرحله*


تضع موضوعاً تريدنا اعضاء ومشرفين ان نرحب بك

*رابع مرحله*

ترحل ولا تأتي مره ثانيه الا اذا اعجبك موضوع تود نقله
اعتذر ولكني قلت لك دعنا نفسح للصراحه طريقا حتي انك
لم تمر علي موضوع ترحيبك ايُعقل هذا لا اعلم !!

*خامس مرحله*

نأتي نحن اعضاء ومشرفين *بحر الشباب* لكي نُرحب بك
نأتي وكلنا شوقاً للعضو الجديد هل سنراه نجماً ساطعاً
ام سيمر مرور الكرام مثل غيره
واتساءل تُري سيكون كاتباً ام شاعراُ
يالهي اتشوق ان اري حروفه تتلألأ في سماء المنتدي
فتأتي انت لتصعقنا بمرورك فقط تكتب الموضوع وترحل
لماذا لا تُمتع نفسك بالاقامه معنا ساعه او اثنين او حتي بضع دقائق
اكاد أٌجزم انك اذا جلست معنا بضع دقائق فلن ترحل ابد عن هذا المنتدي
اضمن لك انك سوف تستمتع معنا وسوف تمتعنا ايضاً بوجودك
سوف تستفيد وتفيد ايضاً لماذا تحرم نفسك من متعه ولذه مضمونه::

همسه باذنك !!


سوف تلقي هنا قلوب متآلفه تنتظر اخً او اختٍ رائعه

××اخيراً××


نحن في انتظار تألقك بكتاباتك وموضوعاتك
وسوف تلقي ما يسعدك هنا في هذا الصرح الرائع

تقبلوا فائق حبي وتقديري

اهلين بيك معانا كلماتك رائعه بارك الله فيك

ابن القرضابية خيرلك راهو والله كلامك حلو ورائع
بس بنخبركم حاجة عنه راهو هبل وقصقاص ومايسكت ومايشبح واللطف وخلاص منه حتى كانه مش ولاد سيد ومن بلاد وحده هاباب منه هدا والي ايدرله حاجة اجيني اني بس ناخدله حقة منه
اه نسيت مرحبتين بيك معانا يوههههههههههها هو فاهم شن معني يوههههههههها
______________________________________________

هنو مشكورة عالمرور لكن انقولك ماتعبيش عليه واجد الليمونة القارسة قصدى " الحلوة " اراهى ماتقدر تاخذ حتى حقها منى ...هههههههه

السلام عليكم انى اسمى هناء انرحب بكل الاشخاص فى المنتدى وحابه انكون صديقتكم

اهلين بيك هناء مرحبتين بيك بين خوتك وخواتك تفيديهم وتستفيدى منهم
مرحبتين مره تانيه ونستنوا فى نشاطك