كامي نار"للشاعر مراد البرعصي, مازلت كامي نار .. من يوم ما عزيز أمعاي شال أنظار""انزازيبها ما

السلام عليكم ورحمة الله وبركاته
اقدم لكم اليوم قصيدة للشاعر الكبير مراد البرعصي بعنوان كامي نار
القصيدة اتقول:
مازلت كامي نار .. من يوم ما عزيز أمعاي شال أنظار

أنزازيبها مازلت .

*#*

نار شعيل .. أطلَقها ونحنا لاجهَد لاحيل

ويش زارّك ياأمّ الغثيث إيميل .. أللي بالسّواد ويلحقه نصفار

فوق من عضاك البيض له تظليل .. وتحته أللي مردوع بـ الماجار

مع أخطاك يضـّابح أتقول وليل .. كما جبح داوي ضايَقه مبخار

ونا أنقول كيفك ماأهناك مثيل .. وأللي يشهدوا ع الزين ليّ أنصار

وأهناك ناس ماتُوفي عبار الكّيل .. ولايفرقوا لَخليش م الدّوّار

*#*

نار قبَاله .. أطلَقها امعاي وماتغيّر حاله

أن جاني دواء م الناس ماناباله .. دواي من أحجر ع العين يصبح جار

رزاني وصابر ع الدهر وأحواله .. وأمشدّد أعزومي فوق م المقدار

حتى في منايح صوب سُود خجَاله .. في سوق حامي برّحوا تجّار

باعوهن وخلّونا أقعود قبَاله .. قدّام الخليقه لاحشَم لاعار

يسلمن ايديك على الابيات
وصح لسان الشاعر

ليمونة
مشكوره شكر بارك الله فيك علي مرورك

منور
بارك الله فيك