مش هذا كلامك لــــــــــــــــي

مش هذا كلامك لــــــــــــــــي***اتهون روحي وماتهون علـــــــــي

مـش قلـت مــاننســـــــــــــــاك***ومش قلـت ياروحــي الروح فداك

ومش قلـت ماعنـدي حيـاه بــلاك *** ومش قلت من غيرك انا لاشيء

ومش قلـت ماظني أخلق يســواك ***ومش قلت ماكيفك نظرتـه حــي

ومش قلـــت حتـى للنـار معــــاك*** لامانقـــول النــار تحـــرق فــي

ومش قلـت نمشـي حفيـان وراك *** ونحمــل الشـوك ومانقـول أحـي

ومش قلت في عهدك علي مبداك ***لاتخــوني ولايــوم تغــــدر بـــي

ومش قلت في قولك امغيـر غلاك *** ماعــاد نبـي في حياتـي شـــيء

ومازلــت نذكـر نهـار ابكــــــــاك *** اللي فيـه ماحـوتـك طلقـت ايدي

ومحــال ننســى خطمتــي يــالاك *** ومعـاك غيري في المكان ابقـي

وتضحــك ورايق ياعزيز وجـاك *** عــزم تـرفع بـه اعيـونك فـــــــي

ومحـال ننسى سود في سبــــاك *** ليــالي اطــوال النوم مابا ايجــي

وعلي ما نفكــر في سبب فرقاك *** مالقيتـلك م العـذر حتى اشـــوي

حتـى ودايــر يـاعزيـز عــــزاك*** مازال كيفـك ما انسـان اغلـــــي

..... مع تحياتي .. البرنس الليبي